46:900  d'*Agneau  emporte  qu'il  doit  estre  offert.  Et  qu'estce  que  la  Loy  prononce  des  sacrifices?  que  ce  sont  pechez  et  maledictions.  Et  voyla  pourquoy  ii  est  dit  que  nostre  Seigneur  Iesus  a  este  fait  malediction  pour  nous,  c'est  a  dire  qu'il  a  receu  la  malediction  qui  estoit  deue  a  nos  pechez.  Voyla  donc  en  quelle  qualite  et  en  quelle  condition  il  est  condamne:  d'autant  que  Dieu  l'a  establi  comme  agneau  qui  devoit  estre  offert  en  sacrifice.  Mais  il  faut  aussi  qu'il  soit  cognu  sans  tache  aucune,  et  que  sa  purete  viene  devant  les  yeux,  afin  que  nous  apprehendions  nos  pechez,  iusques  a  ce  que  nous  ayon&  cognu  que  Iesus  Christ  est  le  miroir  de  toute  perfection  :  et  que  nous  entrions  en  examen  de  nos  fautes  pour  nous  y  desplaire  et  passer  condamnation^  laquelle  nous  estoit  apprestree  sinon  que  nous  en  eussions  este  delivrez  par  luy.  Or  quand  Pilate  a  prins  le  bassin  et  l'eau  pour  se  laver  les  mains^  c'estoit  une  ceremonie  par  trop  frivole:  comme  s'il  se  pouvoit  acquitter  devant  Dieu  pour  cela.  Mais  ce  n'estoit  pas  pour  faire  son  excuse  envers  Dieu  quand  il  a  essaye  d'appaiser  la  fureur  du  peuple.  Car  il  n'a  point  proteste  devant  Dieu  qu'il  estoit  innocent:  mais  il  a  seulement  dit  au  peuple,  Regardez  a  vous:  car  quant  a  moy:  Ie  suis  innocent.  Comme  s'il  disoit,  Vous  me  forcez  a  ceci.  Mais  tout  cela  (comme  i'ay  dit)  n'est  point  pour  l'excuser^  Et  il  ne  fait  point  aussi  office  de  iuge:  Car  il  devoit  plustost  mourir  cent  fois,  que  de  flechir  de  son  office:  quand  il  eust  veu  tous  les  troubles  dur  monde,  si  devoit-il  avoir  ceste  magnanimite  de  faire  ce  qu'il  cognoissoit  estre  bon  et  iuste.  Mais  quand  il  voit  le  peuple  estre  ainsi  eschauffe,  il  se  laisse  transporter.  Cependant  toutesfois  si  faut-il,  maugre  qu'il  en  ait,  qu'il  testifie  de  l'innocence  de  nostre  Seigneur  Iesus  Christ,  et  que  de  sa  propre  bouche  il  le  iustifie.  Neantmoins  ne  laisse  point  de  le  condamner,  mais  en  cela  gist  nostre  consolation:  car  nous  scavons  que  quand  nous  sommes  auiourd'huy  amenez  devant  Dieu  pour  comparoistre  devant  son  siege,  ce  n'est  point  pour  y  recevoir  condamnation:  mais  d'autant  que  le  sang  que  nostre  Seigneur  Iesus  a  espandu  est  la  vraye  purgation  de  nos  ames,  il  nous  recoit  comme  purs  et  nets.  Voyla  donc  ou  il  nous  faut  recourir.  Et  cependant  nous  voyons  le  mot  qui  est  prononce  des  Iuifs:  car  ils  sont  precipitez  en  telle  sorte  de  Satan,  qu'ils  disent,  son  sang  soit  sur  nous  et  sur  tous  nosenfans.  Or  ils  estoyent  l'heritage  de  Dieu,  le  peuple  eleu  et  choisi  d'entre  toutes  les  nations  de  la  terre:  et  cependant  ils  renoncent  a  ceste  dignite-la,  et  a  toutes  les  promesses  de  salut,  a  ceste  alliance  sacree  que  Die��  avoit  establie  avec  leur  lignee.  Lesvoyla  donc  privez  de  tous  les  biens  que  Dieu  leur  avoit  distribuez  auparavant,  entant  qu'ils  estoyent  descendus  de  la  race  d'Abraham  :  et  a  fallu  que  le*