58:90  lions  souvent  cerchent  proye  sans  en  trouver,  et  qu'ils  brayent  de  famine,  que  rien  ne  defaudra  aux  enfans  de  Dieu.  Voila  comme  il  en  est  parle  au  Pseaume  trentequatrieme.  Et  puis  en  l'autre  passage,  Tous  ceux  qui  craignent  Dieu  seront  rassasiez  de  biens.  Mais  ce  n'est  pas  a  dire  pourtant,  que  Dieu  vueille  engraisser  les  siens,  et  leur  donner  tout  ce  qu'ils  pourront  souhaiter:  il  les  nourrit  d'une  autre  facon.  Et  quand  il  est  parle  de  rassasier,  ce  n'est  pas  qu'il  leur  remplisse  tousiours  le  ventre  de  viandes  exquises:  mais  il  nous  faut  revenir  encore  a  l'autre  passage  du  Pseaume,  Que  les  povres  de  l'Eglise  seront  nourris.  Voila  comme  une  espece  de  contrariete,  quand  Dieu  dit  qu'il  saoulera  de  pains  ceux  qui  sont  de  son  Eglise,  et  cependant  il  les  appelle  povres  et  indigens.  S'ils  sont  povres  et  indigens,  ou  est  ceste  promesse,  Que  Dieu  les  saoulera  de  pain  et  de  toute  substance?  Or  il  nous  faut  accorder  ce  qui  semble  estre  repugnant,  et  en  telle  sorte  que  nous  dependions  de  la  providence  de  Dieu,  pour  estre  comme  apastelez  de  lui:  cependant,  s'il  permet  que  nous  endurions  faim  et  soif,  que  nous  ne  laissions  pas  d'esperer,  qu'il  sera  nostre  pere  nourricier.  Et  voila  pourquoy  nous  lui  demandons  nostre  pain  ordinaire.  Or  cela  suppose  a  toutes  les  provisions  ausquelles  les  enfans  de  ce  monde  se  conflent:  car  iamais  ils  ne  seront  asseurez,  sinon  qu'ils  ayent  leurs  greniers  bien  pleins  et  leurs  caves,  comme  il  est  dit  en  l'autre  Pseaume.  Et  au  reste,  quand  ils  se  sont  bien  garnis,  ils  despitent  Dieu,  les  voila  comme  hors  de  tout  danger,  ce  leur  semble.  Or  a  1  opposite,  encores  que  les  fideles  ayent  dequoy  se  nourrir,  si  est-ce  qu'il  faut  qu'ils  ouvrent  la  bouche  chacun  iour,  comme  si  Dieu  leur  devoit  mettre  le  pain  dedans  par  morceaux:  et  quand  ils  n'ont  rien,  que  tousiours  ils  se  conflent  en  lui  et  en  sa  bonte,  et  qu'ils  esperent  qu'une  miette  de  pain  les  pourra  soustenir,  quand  il  plaira  a  Dieu:  ou  bien,  encores  qu'ils  ne  sachent  que  devenir,  neantmoins,  que  Dieu  trouvera  moyen  de  les  substanter.  Quand  donc  il  est  dit  qu'Isaac  a  este  chasse  par  famine,  c'est  autant  comme  si  Dieu  nous  declaroit,  quand  il  nous  aviendra  d'avoir  povrete  et  disette,  que  nous  ne  pensions  pas  d'estre  delaissez  de  lui,  ne  que  nous  prenions  mesme  cela  comme  un  signe  de  haine  qu'il  nous  porte  :  ou  bien,  que  nous  ne  cuidions  pas  qu'il  ne  pense  plus  de  nous:  mais  que  comme  nostre  pere  Isaac  a  endure  constamment  faim  et  soif,  et  qu'il  a  experimente  en  la  fin  que  Dieu  avoit  tousiours  le  soin  de  lui,  que  nous  cognoissions  aussi  le  semblable.  Voila  pour  un  item.  Et  c'est  ce  qui  nous  est  remonstre  par  saint  Paul  au  huitieme  chapitre  des  Romains,  quand  il  dit,  La  famine  seraelle  pour  nous  separer  de  l'amour  que  Dieu  nous  porte  en  nostre  Seigneur  Iesus  Christ?  Saint  Paul  bataille  la  au  nom  de  tous  fideles,  en  remonstrant,