52:90  enim  de  patre  hactenus  docuit,  nunc  de  Christo  praedicat.  Sic  enim  exponere  necesse  est,  quia  dicit,  in  corpore  carnis  suae.  Vocabulum  Scavofac  ad  auxesin  positum  interpretor.  Ac  si  dixisset,  penitus  et  toto  mentis  sensu  abalienatos  fuisse  a  Deo.  Ne  quis  philosophice  alienationem  in  parte  aliqua  esse  fingat:  sicuti  theologi  papales  ad  inferiores  concupiscentias  restringunt.  Imo,  inquit  Paulus,  quod  vos  Deo  reddebat  exosos,  totam  mentem  occupabat.  Denique  exprimere  voluit  hominem,  quantus  est,  prorsus  dissidere  a  Deo  et  illi  esse  inimicum.  Sensum  vertit  vetus  interpres,  Erasmus  mentem:  ego  cogitationis  nomine  usus  sum,  pro  eo  quod  Galli  intentionem  vocant  Nam  et  ea  vis  est  graecae  vocis,  et  Pauli  sensus  ita  postulat  Porro  nomen  inimici  tam  passivam  quam  activam  significationem  quum  habeat,  utroque  modo  vere  nobis  congruit  quamdiu  sumus  extra  Christum.  Nam  et  nascimur  filii  irae,  et  omnis  carnis  cogitatio  simultas  est  adversus  Deum.  In  operibus  malis.  Ab  effectis  probat  interius  odium  quod  in  corde  latet.  Nam  quia  se  eximere  ab  omni  culpa  contendunt  homines,  donec  palam  fuerint  convicti,  Deus  eorum  impietatem  externis  operibus  demonstrat:  ut  fusius  tractatur  Romanorum  1,  19.  Porro  quod  de  Colossensibus  hic  audimus,  ad  nos  quoque  pertinet.  Natura  enim  nihil  differimus.  Hoc  tantum  interest,  quod  alii  vocantur  statim  ab  utero  matris,  quorum  malitiam  antevertit  Deus  ne  in  fructus  manifestos  erumpant  :  alii,  postquam  errarunt  bonam  vitae  partem,  in  ovile  reducuntur.  Christo  tamen  pacificatore  indigemus  omnes,  quia  peccati  servi  sumus:  et  ubi  est  peccatum,  illic  inter  Deum  et  homines  inimicitia.  22.  In  corpore  carnis  suae.  Loquutio  in  speciem  absurda:  sed  perinde  valet  corpus  carnis  atque  corpus  humanum  quod  nobiscum  habuit  commune  filius  Dei.  Exprimere  ergo  voluit  eandem  nobiscum  naturam  induisse  filium  Dei,  hoc,  inquam,  humile,  terrenum  et  infirmitatibus  multis  obnoxium  corpus  gestasse,  ut  mediator  noster  esset.  Quum  addit,  per  mortem,  iterum  nos  ad  sacrificium  revocat.  Filium  enim  Dei  hominem  fieri  oportuit  et  carnis  nostrae  participem,  ut  frater  noster  esset:  victimam  fieri  moriendo  oportuit,  ut  patrem  nobis  placaret.  *)  Ut  sisteret  vos  sanctos.  Secunda  pars  praecipua  salutis  nostrae,  vitae  novitas  scilicet.  Nam  his  duobus  membris  praecipue  constat  totum  redemptionis  beneficium,  peccatorum  remissione,  et  regeneratione  spirituali,  Ierem.  31,  33.  Hoc  iam,  quod  dixit,  magnum  erat,  acquisitam  nobis  esse  iustitiam  morte  Christi,  ut  abolitis  peccatis  Deo  grati  simus.  Sed  nunc  aliud  accedere  aeque  praeclarum  docet,  nempe  *)  Editionespriores  addunt:  Carnis  eius  malui  quam  suae,  quia  refert  quid  pater  egerit  per  Christum.