51:90  lieu  donc,  regardons  a  l'argument  que  sainct  Paul  traitte  ieu  Or  il  est  question  de  la  nourriture  des  ministres  de  la  parole.  Il  dit  que  nul  ne  se  trompe.  Et  pourquoy?  Car  c'est  une  chose  frivole  de  dire,  Et  pourquoy  est-ce  que  les  ministres  qui  doivent  monstrer  aux  autres,  ne  travailleront?  Quand  ils  ont  este  en  chaire,  ne  peuvent-ils  pas  puis  apres  employer  le  reste  du  temps  a  quelque  labeur  pour  ne  point  grever  l'Eglise?  Cela  sera  aisement  receu  de  tous  ceux  qui  gazouillent  ainsi,  pensans  avoir  une  bonne  cause,  et  estre  zelateurs  du  bien  commun  et  de  l'ordre  de  l'Eglise:  mais  ceux-la  se  trompent:  car  il  n'y  a  que  malice,  et  Satan  les  induit  a  cela,  a  fin  de  degouster  le  monde  de  la  doctrine  de  salut,  ou  bien  la  faire  vilipender  ou  la  mettre  en  opprobre:  ii  faut  venir  a  la  source  et  se  tenir  la.  Ainsi  ce  n'est  point  sans  cause  que  sainct  Paul  advertit  ici  les  Galates  qu'ils  ne  se  trompent  point  en  usant  de  ces  belles  couleurs:  mais  secondement  aussi  il  nous  faut  appliquer  en  general  ceste  admonition  de  sainct  Paul  a  toutes  les  couvertures  que  nous  prenons  en  voulant  desguiser  les  choses:  car  nous  aurons  tousiours  de  quoy  nous  absoudre  si  on  nous  veut  croire.  Il  n'y  a  celuy  si  malin  qui  n'ait  tousiours  quelque  astuce  pour  cacher  sa  honte  devant  les  hommes:  et  mesmes  quand  nous  serons  cent  fois  convaincus,  si  est-ce  que  le  diable  nous  mettra  tousiours  quelque  subtilite  en  la  fantasie  pour  farder  une  cause  qui  sera  mauvaise  quand  nous  la  voudrons  faire  trouver  bonne,  d'autant  que  de  nature  nous  sommes  enclins  a  cela,  et  que  nous  y  sommes  endurcis  de  coustume,  tant  plus  nous  faut-il  observer  ce  que  nous  remonstre  ici  sainct  Paul,  c'est  a  scavoir  que  nul  ne  se  trompe,  et  que  nous  n'errions  point  a  nostre  escient.  Car  il  est  certain  que  iamais  l'hypocrisie  ne  decevra  les  hommes,  sinon  d'autant  qu'ils  s'abusent  de  leur  bon  gre.  Les  hypocrites  quelquefois  se  tromperont,  et  ils  seront  la  convaincus  cependant,  et  auront  un  tel  remords  qu'ils  se  condamneront  les  premiers,  encores  qu'ils  fussent  absous  de  tous.  Mais  il  y  en  a  qui  s'endorment,  et  se  font  accroire  qu'il  n'y  a  que  redire  en  eux.  Or  cependant  si  ne  laissent  -  ils  pas  pourtant  d'avoir  quelque  pointe  la  dedans:  et  encores  qu'ils  soyent  aveugles,  toutesfois  Dieu  les  rend  inexcusables  pour  ce  qu'il  les  solicite,  et  eux  ils  cerchent  des  subterfuges  a  fin  de  s'enveloppe!*,  tellement  qu'eux  mesmes  n'appercoivent  point  leur  mal  pour  estre  touchez  de  repentance.  Yoila  donc  la  pire  hypocrisie  qui  soit  au  monde:  c'est  quand  les  hommes  se  decoivent  par  vaines  flatteries,  qu'ils  amenent  ceci  et  cela,  et  veulent  tergiverser,  non  seulement  devant  le  monde,  mais  aussi  quant  a  Dieu.