50:90  acerba,  utilitate  tamen  ipsa  se  expetendam  facit.  Quamquam  posset  tam  salutis  esse  quam  poenitentiae  epithetum:  sed  mihi  melius  videtur  congruere  cum  vocabulo  poenitentiae:  ac  si  diceret:  eventu  ipso  nos  doceri,  ne  gravis  nobis  debeat  esse  aut  molestus  dolor:  ita  quamvis  in  se  poenitentia  aliquid  amari  contineat,  non  poenitenda  esse  dicitur  ob  pretiosum  et  suavem,  quem  parit,  fructum.  Ad  salutem.  Videtur  Paulus  salutis  causam  facere  poenitentiam  :  quod  si  verum  esset,  sequeretur,  operibus  nos  iustificari.  Respondeo,  observandum  esse  quid  hic  tractet  Paulus.  Neque  enim  inquirit  de  causa  salutis:  sed  tantum  poenitentiam  a  fructu,  quem  producit,  commendans,  instar  viae  esse  dicit,  qua  ad  salutem  pervenimus.  Et  merito  :  gratuito  enim  nos  Christus  vocat,  sed  ad  poenitentiam  :  gratuito  nobis  remittit  Deus  peccata,  sed  nonnisi  quum  ipsis  renuntiamus.  Imo  utrumque  simul  agit  in  nobis  Deus,  ut  per  poenitentiam  renovati  liberemur  a  peccatorum  servitute:  et  fide  iustificati  a  maledictione  etiam  peccatorum  liberemur.  Sunt  igitur  gratiae  inseparabiles:  et  propter  individuam  coniunctionem,  apte  et  proprie  poenitentia  introductio  ad  salutem  dici  potest.  Sed  hoc  modo  consequentia  magis  significatur  quam  causa.  Non  sunt  hae  argutiae  ad  effugiendum,  sed  vera  et  simplex  solutio.  Nam  quum  scriptura  doceat  nos  remissionem  peccatorum  nunquam  absque  poenitentia  consequi:  simul  tamen  passim  unam  Dei  misericordiam  eius  obtinendae  causam  statuit.  l  l  .  Quantum  in  vobis  produxit  studium?  Non  disputabo  sintne  haec,  quae  Paulus  enumerat,  poenitentiae  effectus,  an  partes,  an  praeparationes:  quia  id  totum  necesse  non  est  ad  intelligendam  Pauli  mentem.  Tantum  enim  Corinthiorum  poenitentiam  probat  a  signis  vel  annexis.  Quamquam  tristitiam  secundum  Deum  facit  omnium  principium,  ex  quo  nascantur,  ut  certe  est.  Nam  ex  quo  nobis  coepimus  displicere,  ad  aliqua  deinde  incitamur.  Quid  significet  studium,  ex  contrario  licet  intelligere:  nam  quamdiu  abest  peccati  agnitio,  iacemus  somnolenti  et  socordes.  Torpor  ergo  vel  incuria,  vel  securitas,  contrarium  est  huius  studii,  cuius  meminit.  Itaque  studium  nihil  aliud  est  quam  sollicita  et  strenua  sedulitas  corrigendi  quod  peccatum  est,  vitaeque  in  melius  mutandae.  Imo  defensionem.  Quia  Erasmus  satisfactionem  transtulerat,  imperiti,  decepti  vocis  ambiguitate,  traxerunt  ad  satisfactiones  papisticas:  quum  Paulus  omokoyiow  nominet.  Haec  causa  est  cur  defensionis  verbum  (quod  vetus  interpres  posuerat)  relinquere  maluerim.  Terum  notandum  est,  genus  defensionis  hic  indicari,  quod  deprecatione  magis  constet  quam  depulsione  criminum.  Quemadmodum  filius,  qui  patri  se  purgatum  cupit,  non  ingreditur  in  legitimam  causae  dictionem  :  sed  culpam  agnoscendo,  suppliciter