4:90  ne  feroyent  point  de  mal  1)  auiourdhuy,  si  toutes  fois  et  quantes  qu'ils  voyent  quelque  calamite  prochaine,  2)  soit  de  guerre,  de  famine  ou  de  pestilence,  s)  ila  remonstroyent  a  leur  peuple  qu'il  seroit  bon  de  prier  le  Seigneur  avec  pleurs  et  iusnes:  moyennant  qu'ils  s'arrestassent  au  principal,  qui  est  de  rompre  les  coeurs,  et  non  les  vestemens.  C'est  donc  une  chose  certaine,  que  le  iusne  n'est  pas  tousiours  conioinct  avec  repentance:  mais  convient  particulierement  a  ceux  qui  veulent  testifier  qu'ils  se  recognoissent  avoir  merite  l'ire  de  Dieu,  et  neantmoins  requierent  pardon  de  sa  clemence.  4)  Pour  ceste  cause  Iesus  Christ  le  met  avec  angoisse  et  tribulation.  Car  il  excuse  ses  Apostres  qui  ne  iusnoyent  point  du  temps  qu'ils  estoyent  en  sa  compagnie,  pource  que  c'estoit  le  temps  de  ioye:  disant  qu'ils  auroyent  opportunite  de  iusner  au  temps  de  tristesse,  quand  il  les  auroit  privez  de  sa  compagnie  (Matth.  9,  15).  Ie  parle  du  iusne  solennel  et  publique.  Car  la  vie  du  Chrestien  doit  estre  temperee  en  telle  sobriete,  qu'il  y  apparoisse  depuis  le  commencement  iusques  a  la  fin,  comme  une  espece  de  iusne  perpetuel.  Mais  *)  pource  que  ce  poinct  sera  despeche  cy-apres,  en  traitant  de  la  discipline  de  l'Eglise,  6)  ie  n'en  tiendray  icy  plus  long  propos.  18.7)  Toutesfois  i'entrelaceray  encore  ce  poinct:  c'est  que  quand  le  mot  de  Penitence  s'attribue  a  la  declaration  externe  que  font  les  pecheurs,  pour  monstrer  signe  de  changement  en  mieux,  alors  il  est  destourne8)  de  son  sens  naturel.  Car  une  telle  protestation  n'est  pas  tant  se  convertir  a  Dieu,  que  confesser  sa  coulpe  pour  en  obtenir  pardon  et  grace.  Ainsi,  faire  penitence  en  cendre  et  avec  le  sac,  n'est  autre  chose  -que  de  protester  que  nous  avons  noz  pechez  en  horreur  et  nous  y  desplaisons,  pource  que  Dieu  y  est  grievement  offense.  Et  c'est  une  espece  de  confession  publique,  par  laquelle  en  nous  condamnant  devant  Dieu  et  ses  Anges  et  tout  le  monde,  nous  prevenons  le  iugement  qui  nous  estoit  deu.  Car  sainct  Paul  en  redarguant  la  nonchalance  de  ceux  qui  se  pardonnent  par  trop,  Si  nous  nous  condamnions>  dit-il,  nous-mesmes,  nous  ne  serions  point  condamnez  de  Dieu  (1  Cor.  ll,  31).  Au  reste,  il  n'est  pas  tousiours  necessaire  d'appeller  Ies  hommes  pour  tesmoins  de  nostre  repentance,  mais  de  con-  1)  1562:  point  mal.  2)  Le  latin  ajoute:  impendentem  suorum  cervicibus.  3)  soit  de  guerre,  de  famine  ou  de  pestilence,  n'est  pas  dans  le  latin.  4)  mais  convient  .  .  .  .'clemence,  le  latin  dit  simplement:  sed  calamitosis  temporibus  peculiariter  destinari.  5)  Cette  derniere  phrase  est  une  addition  de  1551.  6)  Voyes  Liv.  IV.  Chap.  12.  7)  Le  §.  18  appartient  a  la  redaction  de  1559.  8)  Le  texte  de  V  ed.  de  1560  a:  alors  il  est  estonne  de  son  sens,  faute  qui  se  trouve  corrigee  a  la  fin  du  volume.