31:90  accipiunt,  quod  scilicet  in  ipso  partu  vel  generatione  hominis  Deus  gloriae  suae  fundamenta  iaciat.  Ego  enim  pro  stabilire  positum  esse  non  dubito,  ac  si  dixisset  propheta,  pro  bellicosis  et  firmis  copiis,  pueorum  ora  Deo  ad  perdendos  impios  sufficere.  (Ad  profligandum.)  In  verbo  ETUI!?!"!  variant  interpretes.  Proprie  est  facere  cessare,  nam  est  in  coniugatione  hiphil  a  neutro  TUM,  quod  cessare  significat.  Sed  metaphorice  plerumque  sumitur  pro  perdere  vel  redigere  in  nihilum:  quia  interitus  finem  affert.  Alii  vertunt:  Ut  compescas:  quasi  intelligeret  David  silentium  illis  imponi,  ut  maledicere  vel  obstrepere  desinant.  Sed  quia  ad  hostile  proelium  plena  gratiae  allusio  est  in  hoc  loco  (ut  nuper  exposui)  mihi  verbum  militare  placuit:  Ad  profligandum.  Sed  quaeritur  quomodo  hostes  suos  profliget  Deus,  quorum  sacrilega  petulantia  violenter  contra  omnia  divinae  providentiae  exempla  impingere  non  cessat.  Respondeo,  non  profligari  quod  ad  modestiam  cogantur:  sed  quia  cum  suis  blasphemiis  et  canino  latratu  turpiter  confusi  iacent.  Summa  est,  a  prima  hominis  generatione  vel  exortu  ita  conspicuum  esse  divinae  providentiae  fulgorem,  ut  infantes  a  matrum  uberibus  pendentes,  eorum  furorem  prosternant:  quia  etiamsi  centies  crepent,  frustra  robur  quod  in  illa  debilitate  se  profert,  subvertere  nituntur.  Quanquam  autem  in  omnibus  incredulis  regnat  ulciscendi  libido,  sicuti  Deus  filios  suos  mansuetudinis  spiritu  regit:  tamen  pro  loci  praesentis  circumstantia  hoc  epithetum  propheta  Dei  contemptoribus  attribuit,  qui  non  modo  truculenti  sunt  in  homines,  sed  vesana  rabie  ad  Deum  quoque  oppugnandum  ardent.  Quod  ad  explicandam  prophetae  mentem  attinet,  iam  defunctus  sum  fidi  interpretis  officio.  Tantum  restat  unus  scrupulus,  quia  videtur  Christus  Matth,  capite  21,  16,  testimonium  hoc  alio  trahere,  dum  id  ad  pueros  decennes  accommodat.  Sed  facilis  solutio  est,  Christum  a  maiori  ad  minus  ratiocinari:  nihil  scilicet  absurdi  esse  si  Deus,  qui  pueros  adhuc  infantes  gloriae  suae  vindices  constituit,  postquam  ad  septem  annos  et  ultra  progressi  sunt,  praeconium  ex  eorum  linguis  eliciat.  4.  Quando  video  coelos  tuos,  opera  digitorum  tuorum,  lunam  et  stellas,  quas  conannasti,  5.  Quid  est  homo,  quod  memor  es  eius,  et  filius  hominis  quia  eum  visitas?*)  Quoniam  particula  v^  apud  Hebraeos,  tantundem  saepe  valet  ac  latinis  quia,  et  simpliciter  affirmat,  Graeci  fere  et  Latini  veteres  seorsum  legerunt  quartum  versum,  ac  si  perfecta  esset  sententia:  sed  non  dubium  est  quin  sequenti  conve-  *)  que  tu  le  visites,  en  marge:  ou  as  souvenance  de  luy?