27:90  venus  ici  ramener  le  franc  arbitre,  et  le  mettre  au  dessus  pour  aneantir  la  grace  de  Dieu,  blasphemer  contre  son  election,  et  sa  providence,  ceux-la  ont  eu  pour  leurs  patrons,  et  advocats  ceux  qui  devoyent  estre  leurs  iuges,  et  ont  parle  pour  eux  en  nostre  presence,  voire  avec  une  telle  impudence,  qu'ils  se  dressoyent  la  comme  des  taureaux  pour  heurter  des  cornes,  et  pour  resister  le  plus  villainement  qu'on  sauroit  dire  contre  Dieu,  et  contre  sa  doctrine:  nous  avons  veu  cela.  Apres  quand  on  leur  a  fait  des  remonstrances  telles  par  l'Escriture  saincte,  qu'elles  seroyent  receues  mesmes  entre  les  Papistes,  qu'on  a  amene  les  tesmoignages  si  clairs,  et  si  evidens,  qu'on  n'y  sauroit  contredire:  et  mesmes  que  nous  n'avons  point  seulement  parle  de  bouche,  mais  donne  par  escrit  les  articles,  et  amene  les  sentences  de  l'Escriture,  qu'on  leur  a  monstre  au  doigt  ce  qui  en  estoit:  ils  n'ont  eu  nulle  honte  de  reietter  tout,  mais  sont  venus  tousiours  en  fierte,  pour  dire:  Nous  bataillerons  contre  Dieu  quoy  qu'il  en  soit.  Il  est  vray  qu'ils  ne  desgorgeoyent  point  cela  a  pleine  bouche,  car  ils  faisoyent  tousiours  profession  de  tenir  l'Evangile.  O!  nous  voulons  l'Evangile:  mais  quel?  Un  Evangile  de  taverne.  Il  n'estoit  plus  question  de  la  grace  de  nostre  Seigneur  Iesus  Christ:  car  ce  proverbe  leur  estoit  tout  commun  de  dire:  O  il  ne  faut  sinon  savoir  ce  que  nous  savons  tous,  c'est  d'aimer  Dieu,  et  son  prochain.  Et  qu'est-ce  qu'il  faut  ici  tant  prescher?  Si  la  dessus  on  leur  remonstroit:  Et  comment?  si  vous  voulez  que  les  sermons  cessent,  et  que  les  sacremens  soyent  superflus,  il  faudroit  donc  que  tout  l'ordre  que  Dieu  a  establi  en  son  Eglise  fust  aneanti.  Et  bien,  qu'on  presche  l'Evangile  simplement,  sans  tant  se  tempester.  Et  puis  des  Sacremens,  n'est-ce  pas  aussi  bien  a  nous?  Comment?  qu'il  n'y  ait  plus  nul  ordre?  O  nous  donnerons  aussi  bien  la  Cene  que  feront  les  prescheurs.  Voila  (di-ie)  ce  qu'on  a  veu,  et  ouy.  Or  si  Core.  Dathan,  et  Abirom,  sont  ici  condamnez  par  le  S.  Esprit,  d'avoir  voulu  rompre  tout  ordre:  ie  vous  prie,  que  dira-on  de  ceux  qui  ont  ainsi  bataille  contre  Dieu  tout  manifestement?  Car  ces  choses  ne  se  sont  point  faites  par  ignorance,  combien  qu'ils  soyent  encores  si  effrontez  de  dire  :  Nous  avons  cuide  :  si  est-ce  que  leur  malice  s'est  trop  apperceue.  Car  si  personne  n'eust  parle,  si  personne  n'eust  monstre  au  doigt  les  tesmoignages  de  l'Escriture,  pour  dire:  Voila  la  volonte  de  Dieu,  il  n'y  a  point  de  difficulte  la  dessus,  la  chose  ne  gist  point  en  disputes,  comme  s'il  y  avoit  quelque  doute,  voila  le  texte  tout  patent:"quand  donc  les  choses  ont  este  ainsi  remonstrees,  de  tousiours  s'estre  opiniastre,  ne  voiton  pas  que  ca  este  faire  la  guerre  a  Dieu  tout  notoirement?  Et  au  reste,  ne  voit-on  pas  aussi  la  couverture  qu'ont  pretendu  Core,  Dathan,  et  Abirom  ?  Caril  n'est  question  que  de  dire:  Et  quoy?  si  Aaron