21:90  petite  ioye,  de  ce  que  Dieu  luy  fit  la  grace  que  les  Magistrats  et  Gouverneurs  de  la  ville  par  son  conseil  prindrent  courage  lors  a  dresser  ici  quelque  commencement  d'escole  et  profession  publique  des  principales  langues,  ayans  recouvre  d'excellens  personnages,  de  ceux  qui  s'estoyent  ici  retirez  avec  M.  Pierre  Viret.  C'estoit  en  un  temps,  ainsi  qu'on  sait,  que  ceste  ville  estoit  fort  menacee  [f  7]  a  cause  de  l'Evangile,  et  qu'il  y  avoit  apparence  qu'on  y  auroit  de  grands  affaires.  Mais  comme  il  savoit  dependre  de  Dieu,  et  non  pas  des  hommes,  il  apprenoit  aux  autres  la  mesme  lecon  en  tous  affaires.  Ceste  annee-la  sur  la  fin  on  commenca  a  exposer  en  la  Congregation  les  Vendredis  les  quatre  derniers  livres  de  Moyse  par  forme  d'harmonie,  ainsi  que  Calvin  l'a  comprinse  en  son  Commentaire  qu'il  fit  imprimer  depuis.  L'an  1560,  au  mois  d'Avril,  il  acheva  en  ses  lecons  le  prophete  Daniel,  et  commenca  Ieremie  le  15.  dudit  mois.  Au  mois  de  Iuin,  il  fut  adverti  par  les  freres  de  Poloigne,  qu'un  certain  Stancarus  troubloit  leurs  Eglises,  disant  que  Iesus  Christ  estoit  nostre  Moyenneur,  seulement  en  sa  nature  humaine,  sans  aucun  regard  de  la  Divinite.  Lesquels  aussi  luy  envoyans  sommairement  les  argumens  dudit  Stancarus,  le  requirent  d'y  respondre:  ce  qu'il  fit  brievement  et  bien  peremptoirement  par  une  epistre  qu'il  leur  envoya.  Mais  depuis,  a  leur  requeste,  il  leur  fit  derechef  une  seconde  response  sur  ceste  matiere,  pource  que  ledit  Stancarus  ne  desistoit  de  publier  ses  fantasies  et  resveries  pernicieuses.  Ceste  mesme  annee,  il  revit  ses  commentaires  sur  les  Actes  des  Apostres,  et  y  adiousta  en  quelques  endroits.  Il  eut  aussi  lors  les  nouvelles  de  la  mort  de  M.  Philippes  Melanchthon,  qui  luy  avoit  escrit  quelque  an  auparavant  qu'il  desiroit  de  venir  en  ceste  Eglise,  pour  le  voir  encore  et  se  consoler  avec  luy.  L'an  1561  certaines  lettres  du  roy  de  France  ayans  este  apportees  par  un  heraut  aux  Syndiques  et  Conseil  de  la  ville  de  Geneve,  ou  il  estoit  fait  mention  qu'on  avoit  donne  a  entendre  au  Roy  que  les  troubles  de  son  Royaume  venoyent  de  ceux  de  Geneve  et  de  leurs  Ministres,  il  fut  appelle  en  Conseil  et  ses  compagnons  aussi,  pour  rendre  raison  sur  ce  poinct.  La  ou  il  monstra  qu'il  servoit  a  Dieu  sans  s'espargner.  Car  sa  response  fut,  que  tant  s'en  faloit  qu'il  fust  cause  des  confusions  qui  estoyent  audit  Royaume,  qu'il  les  avoit  empeschees  entant  qu'en  luy  estoit:  et  de  fait,  que  s'il  plaisoit  au  Roy  il  estoit  prest  de  rendre  raison  en  sa  presence  sur  ce  poinct  et  tous  autres,  et  respondre  a  toutes  accusations:  tant  il  se  sentoit  de  bonne  conscience.  Ce  qui  fut  escrit  aussi  en  propres  termes  [f  8]  au  Roy  par  lesdits  Seigneurs  de  Geneve.  Or  cela  n'estoit  pas  sans  danger  evident  de  sa  vie.  Car  on  sait