19:90  nostri  reditu  possit  sperare.9)  Navarrena  destituta  est,  neque  illi  prospici  potest  Lutetiae.  Itaque  curandum  nobis  censeo  modis  omnibus,  ut  idoneus  aliquis,  id  est,  satis  doctus  et  disertus  et  maturae  aetatis  mittatur.  Ubi  vero  nanciscemur?  dices.  Ubi  et  quando  dederit  Dominus.  Sed  plane  digna  haec  est  cuius  maxima  ratio  habeatur.  Simul  atque  vero  nacti  fueritis,  curabitis  me  admonendum,  vel,  quoniam  fortassis  abero,  ecclesiam  Parisiensem,  ut  accersendus  curetur  quem  delegeritis.  De  meo  reditu  scis  quid  cupiam.  Quid  expediat  dum  cogito,  nescio  quid  constituere  possim,  vel  etiam  debeam.  Sed  quod  dederit  mihi  consilium  Dominus  in  ista  innuat*  id  sequar  et  rogo  te  una  cum  caeteris  fratribus,  ut  me  hoc  tempore,  si  unquam  alias,  precibus  iuvetis.  Pudet  me  tam  diu  stipendia  accipere  a  nostro  magistratu,10)  cui  nihil  prorsus  praesto,  et  si  meae  facultates  ferrent,  pecuniam  uxori  mitterem.  Sed  Dei  beneficio  ita  adhuc  vixi,  ut  nihil  pecuniae  a  quoquam  vel  acceperim  vel  petierim,  sed  interea  nihil  supersit  quod  mittam  quoniam  in  alios  sumptus  ac  praesertim  vestes  omnia  paene  consumsi  quae  attulerant  Si  tamen  ita  censueris,  potius  accipiat  uxor  de  eo,  quod  magister  ex  me  habet,  quam  gravetur  ullo  sumptu  civitas,  cuius  scio  decrescere  copias,  non  onera.  Sanravisium  puto  iam  ad  te  pervenisse.  Nondum  inveni  qui  Baduelh  nostro  succederet.  Sanellus  fortassis  is  erit.  Sed  nihildum  certi  possum  constituere.  Normandium  nostrum  exspecto  cupidissime.  Germani  theologi  adhuc  haerent  Lutetiae:11)  exspecto  dum  adhaereant,  quamquam,  ut  arbitror,  potius  revertentur  invisi.  Balduinus12)  quoque  intra  illa  pomoeria  se  tenet,  sive  nos  metuat,  sive  contemnat.  Navar~  rena,  Condensis  cum  socru13)  et  uxore,  Amiraldus  cum  optima  sua  coniuge  hodie  expressis  et  solennibus  verbis  mihi  imperarunt  ut  suo  nomine  tibi  totique  ecclesiae  plurimam  salutem  adscriberem.  Ego  vero,  mi  pater,  et  oculis  et  toto  pectore  te  fero  et  absentem,  atque  utinam  non  iacentem  osculor  et  amplector,  Deumque  rogo  ut  te  nobis  conservet  atque  una  tecum  fratres  et  amicos  omnes  plurimum  salvere  et  valere  iubeo.  Ex  Sangermano  tertio  Calendas  Novembris.  Tuus  Beza.  9)  Beg.  du  Conseil  23.  27.  Oct  Ibi  Amiralii  literae  referuntur  qui  Merlinum  diutius  sibi  concedi  cupit  10)  ibid.  l  l  .  Nov.  11)  Languet  IL  158.  df.  d.  10.  Nov.:  Iac.Burlinus  mortuus  est  28.  Oct.  et  quidem  peste  ut  medici  affirmant.  Reliqui  theologi  Wirtembergenses  et  Palatini  iam  sunt  in  aula  et  parum  adhuc  profecerunt.  (Bauni.  IL  422  sq.)  12)  N  3579.  13)  Mad.  de  Boye.