10.1:90  Item  adhortaturum  omnes  publicae  scholae  auditores  futuros,  ut  sese  in  obedientia  et  subiectione  nostrorum  dominorum  contineant:  nec  dissolutos  et  perditos  scholasticos  toleraturum:  sed  si  qui  noluerint  blandis  admonitionibus  ad  bonam  frugem  redire,  dominis  eos  indicaturum,  ut  ei  incommodo  prospiciatur.  Item  pro  viribus  curaturum  ut  scholastici  pacifice,  modeste  et  honeste  vivant:  ita  ut  eorum  vita  gloriae  Dei,  et  Reipublicae  commodo  ac  tranquillitati  cedat.  FORMULA  IURISIURANDI  QUOD  TENENTUR  PRAESTARE  PUBLICAE  ET  PRIVATAE  SCHOLAE  DOCTORES.  Promitto  et  iuro  me  fideliter  versaturum  in  munere  mihi  commisso  :  id  est,  bona  fide  et  conscientia  daturum  operam  ut  pueri  et  caeteri  auditores  bene  instituantur  :  et  lectiones  a  magnificis  dominis  nostris  mihi  praescriptas  habiturum:  atque  adeo  in  genere  curaturum  ut  schola  quam  optimo  ordine  regatur,  et  quantum  in  me  situm  erit,  effecturum  (favente  Dei  gratia)  ut  scholastici  pacifice,  modeste  et  honeste  vivant,  ita  ut  eorum  vita  gloriae  Dei,  et  Reipublicae  commodo  ac  tranquillitati  cedat.  Michael  Bosetus  a  secretis  magnif.  Beip.  Geneven.  subscripsi.