8:9  9  DE  SCANDALIS  QUIBUS  HODIE  PLERIQUE  ABSTERREATUR,  NONNULLI  ETIAM  ALIENANTUR  A  PURA  EVANGELII  DOCTRINA.  [pag.  5]  Non  abs  re  Dominus,  postquam  multis  argumentis  eum  se  esse  comprobasset,  qui  venturus  erat  in  piorum  salutem,  hanc  tandem  clausulam  adiunxit:  Beatus  qui  non  fuerit  offensus  in  me  (Matth.  11,  6;  Luc.  7,  23).  Scilicet  non  tantum  in  evangelii  sui  professione  multa  noverat  contineri,  a  quibus  humanum  ingenium  penitus  abhorreat:  sed  etiam  exoritura  mox,  Satanae  artificio,  providebat  omne  genus  obstacula,  quae  illam  mundo  vel  exosam  redderent,  vel  suspectam.  Et  sane  impleri  necesse  est,  quod  de  ipso  pronunciavit  spiritus  sanctus,  lapidem  fore  offensionis  et  petram  scandali:  non  quia  iustam  ipse  offensionis  causam  in  se  habeat,  sicuti  mox  videbimus.  Sed  quid  refert?  Haec  quidem  illi  quasi  fatalis  est  conditio  :  1)  ut  quoties  se  offert  hominibus,  in  eum  bona  pars  impingat.  Hoc  si  quando  alias  usu  venit,  hodie  innumeris  prope  exemplis  verum  esse  experimur.  Quo  magis  superiorem  eius  admonitionem  subinde  nos  memoria  repetere  convenit,  quo  penitus  animis  nostris  infixa  haereat:  ne  impedimentis,  quae  Satan  obiiciet,  ab  illo  aversi,  ista  etiam  quam  suis  promittit  beatitudine  privemur.  At  quam  pauci  sunt  quibus  hoc  veniat  in  mentem?  Contra  vero,  quam  multi  reperiuntur,  qui  scandalorum  praetextu,  aut  evangelium  non  secus  ac  scopulum  aliquem  refugiunt:  aut  illud  amplexi,  facto  etiam  aliquo  progressu,  cursum  deinde  reflectunt?  Itaque,  quum  nullum  esset,  meo  iudicio,  argumentum  in  quo  tractando  utilius  locarem  operam,  non  invitus  hoc  tractandum  suscepi:  [pag.  6]  praesertim  quum  fidem  in  hac  re  meam  bonis  quibusdam  viris  obstrinxerim:  qui  flagitare  quasi  debitum,  quod  promisi,  non  desinunt.  Citius  fortassis  fieri  debuit  :  sed  quum  hactenus  occupatum  me  tenuerint  partim  aliae  scriptiones  non  minus  1)  cela  luy  est  coustumier.