7:9  9  CUM  ANTIDOTO.  pium,  quod  posui,  scilicet  meritum  esse  effectum  potentiae  liberi  arbitrii,  adducunt  aliud  dictum  Augustini:  quod  gratia  sanctis  est  omne  meritum.  Solutio  est,  Augustinum  nescivisse  quid  magistri  nostri  super  hoc  resolutive  dicturi  essent.  ANTIDOTUM.  Quum  omne  figmentum  humani  cordis  ab  infantia  malum  esse  pronunciet  Dei  spiritus  (Gren.  6,  5  et  8,  21;  Ps.  14,  3;  Rom.  3,  10);  quum  nullum  esse  iustum,  nullum  intelligentem,  nullum  qui  Deum  exquirat,  omnes  vero  esse  inutiles,  corruptos,  vacuos  timore  Dei,  plenos  fraude,  amarulentia,  et  omni  nequitiae  genere,  destitutos  gloria  Dei  tradat:  quum  omnem  sensum  carnis  inimicitiam  esse  adversus  Deum  clamet:  nec  quidquam  nobis  faciat  reliquum,  ne  ad  bene  cogitandum  quidem  (Rom.  8,  6;  2  Cor.  3,  5)  :  nos  cum  Augustino  l)  pronunciamus,  hominem  libero  arbitrio  male  usum,  et  se,  et  illud  perdidisse.  Item,2)  victa  vitio  in  quod  cecidit  voluntate,  carere  libertate  naturam.  Item,3)  non  esse  liberam  voluntatem,  quae  cupiditatibus  vincentibus  ac  vincientibus  subdita  sit.  Item  cum  Ambrosio,  4)  non  esse  in  potestate  nostra  cor  nostrum,  nec  cogitationes  nostras.  Similiter  quum  opus  suum  esse  testetur  Deus,  innovare  cor,  ex  lapideo  facere  carneum,  inscribere  legem  suam  cordibus,  et  visceribus  nostris  eam  insculpere,  facere  ut  in  praeceptis  suis  ambulemus,  dare  et  bonam  voluntatem  et  operis  effectum,  ponere  in  cordibus  nostris  timorem  nominis  sui,  ne  unquam  a  se  recedamus,  perficere  denique  opus  bonum  quod  incepit  in  nobis,  usque  in  diem  Christi  (Psal.  51,  12;  Ez.  36,  26;  Ier.  31,  33;  Phil.  2,  13;  Ier.  32,  39;  Ez.  11,  19;  Phil.  1,  6);  constituimus  iterum  cum  Augustino  agi  filios  Dei  eius  spiritu,  ut  quod  agendum  est  agant.5)  Item  trahi  ab  eo,  ut  volentes  ex  nolentibus  fiant:6)  item,  post  casum  hominis  non  nisi  ad  Dei  gratiam  pertinere,  ut  homo  ad  eum  accedat,  nec  pertinere  nisi  ad  eandem  gratiam,  ut  ab  eo  non  recedat.7)  Item,  nos  nescire  quid  in  voluntate  nostra  boni  inveniri  possit  quod  sit  nostrum.8)  Item,  quia  liberum  arbitrium  primi  peccati  magnitudine  perdidimus,  ut  in  Deum  credamus  et  pie  vivamus:  non  esse  volentis,  neque  currentis,  non  quia  non  velle  debeamus  et  currere,  sed  quia  Deus  utrumque  efficit.9)  Item  cum  Cypriano  in  nullo  esse  gloriandum,  quando  nihil  nostrum  sit.10)