6:9  DES  ARTICLES  DE  LA  FOY.  LE  MINISTRE.  *)  [fol.  2]  Quelle  est  la  principale  fin  de  la  vie  humaine?  L'ENFANT.  C'est  de  eongnoistre  Dieu.  LE  MINISTRE.  Pourquoy  dis-tu  cela?  L'ENFANT.  Pource  qu'il  nous  a  cree  et  mis  au  monde  pour  estre  glorifie  en  nous.  Et  c'est  bien  raison  que  nous  rapportions  nostre  vie  a  sa  gloire,  puis  qu'il  en  est  le  commancement.  LE  MINISTRE.  Et  quel  est  le  souverain  bien  des  hommes?  L'ENFANT.  Cela  mesme.  LE  MINISTRE.  Pourquoy  l'appelles-tu  le  souverain  bien?  x  L'ENFANT.  Pource  que  sans  cela  nostre  condition  est  plus  mal-heureuse  que  celle  des  bestes  brutes.  LE  MINISTRE.  Par  cela  donc  nous  voyons  qu'il  n'y  a  nul  si  grand  mal-heur,  que  de  ne  vivre  pas  selon  DIEU.  L'ENFANT.  Voire.  LE  MINISTRE.  Mais  quelle  est  la  vraye  et  droicte  congnoissance  de  Dieu?  L'ENFANT.  Quand  on  le  congnoist  afin  de  Phonnorer.  LE  MINISTRE.  Quelle  est  la  maniere  de  le  bien  honnorer?  L'ENFANT.  C'est  que  nous  ayons  toute  nostre  fiance  en  luy:  que  nous  le  servions  en  obeissant  a  sa  volunte:  que  nous2)  le  requerions  en  toutes  noz  necessitez,  cherchant  en  luy  salut  et  tous  biens:  et  que  nous  recongnoissions,  tant  de  cueur  que  de  bouche,  que  tout  bien  procede  de  luy  seul.