56:9  9  GENESE.  10  au  serpent,  Pourtant  que  tu  as  fait  cela,  tu  seras  maudit  sur  toutes  bestes,  et  sur  tous  animaux  des  champs:  tu  chemineras  sur  ta  poictrine,  et  mangeras  la  poussiere  tous  les  iours  de  ta  vie.  15.  Si  mettray  inimitie  entre  toy  et  la  femme:  entre  ta  semence  et  la  semence  d'icelle  :  ceste  semence  te  poindra  la  teste  et  tu  luy  poindras  le  talon.  16.  Il  dit  aussi  a  la  femme,  Ie  multiplieroy  ton  travail  et  conception  :  tu  enfanteras  en  travail  les  enfans,  et  ta  volonte  sera  suiete  a  ton  mari:  et  iceluy  aura  domination  sur  toy.  17.  Puis  il  dit  a  Adam,  Pource  que  tu  as  obei  a  la  voix  de  ta  femme,  et  as  mange  de  l'arbre,  duquel  ie  savoye  commande,  disant,  Tu  ne  mangeras  point  d'iceluy:  la  terre  sera  maudite  a  l'occasion  de  toy:  tu  mangeras  d'icelle  en  travail,  tous  les  iours  de  ta  vie:  18.  Et  elle  te  produira  espines  et  chardons,  et  mangeras  l'herbe  des  champs.  19.  En  la  sueur  de  ta  face  tu  mangeras  le  pain.  iusqu'a  ce  que  tu  retournes  en  la  terre:  car  d'icelle  tu  es  pris:  et  pourtant  que  tu  es  poudre,  tu  retourneras  aussi  en  la  poudre.  20.  Et  Adam  appela  le  nom  de  sa  femme,  Eve:  pource  qu'elle  est  la  mere  de  tous  les  vivans.  21.  Or  l'Eternel  Dieu  fit  a  Adam  et  a  sa  femme  des  habillemens  de  peaux:  et  les  en  vestit.  22.  Adonc  l'Eternel  Dieu  dit,  Voici,  Adam  est  devenu  comme  un  de  nous,  pour  savoir  le  bien  et  le  mal.  Mais  maintenant  de  peur  *)  qu'il  n'avance  sa  main,  et  prene  aussi  de  l'arbre  de  vie,  et  en  mange,  et  vive  a  tousioursmais:  maintenant  qu'il  soit  empesche2).  23.  L'Eternel  Dieu  donc  Penvoya  hors  du  iardin  d'Eden,  pour  labourer  la  terre,  de  laquelle  il  avoit  este  pris.  24.  Ainsi  ii  dechassa  l'homme:  et  colloqua  des  Cherubins  vers  l'Orient  dudit  iardin  d'Eden,  et  un  glaive  flamboyant  et  voltigeant  ca  et  la,  pour  garder  la  voye  de  l'arbre  de  vie.  Chapitre  IV.  1.  Apres  Adam  cognut  Eve  sa  femme,  laquelle  conceut  et  enfanta  Cain:  et  dit,  I'ay  acquis  un  homme  de  par  l'Eternel.  2.  Et  derechef  elle  enianta  Abel  son  frere,  lequel  fut  pasteur  de  brebis,  et  Cain  laboureur  de  la  terre.  3.  Or  long  temps  apres  il  adveint  que  Cain  offroit  a  l'Eternel  oblations  des  fruits  de  la  terre.  4.  Et  qu'Abel  aussi  offroit  des  premiers  nez  de  ses  brebis  et  de  la  graisse  d'icelles  :  et  le  Seigneur  regarda  a  Abel  et  a  son  oblation  :  5.  Mais  il  ne  regarda  point  a.  Cain  ni  a  son  oblation  :  alors  Cain  fut  fort  courrouce,  et  son  visage  fut  abatu.  6.  Adonc  l'Eternel  ')  afin  O,  46.  2)  Au  iieui  de  cette  glose  on  lit  en  O.  46.  iettons-le  hors.