55:9  9  CAPUT  I.  1.  Deus  olim  multifariam  multisque  modis  loquutus  patribus  per  prophetas,  2.  Extremis  hisce  diebus  loquutus  est  nobis  per  filium,  quem  constituit  haeredem  omnium,  per  quem  etiam  saecula  condidit.  1.  Deus  olim,  ete.  Hoc  exordium  ad  commendationem  doctrinae  Christi  pertinet.  Neque  enim  reverenter  tantum  excipiendam  esse  docet,  sed  in  ea  sola  acquiescendum.  Quo  id  melius  intelligatur,  notanda  est  singulorum  membrorum  antithesis.  Primum,  filium  Dei  prophetis  opponit:  deinde  nos  patribus:  tertio  variam  ac  multiplicem  loquendi  rationem,  quam  Deus  apud  patres  tenuit,  postremae  revelationi,  quae  nobis  per  Christum  allata  est.  Sed  in  hac  diversitate  unum  tamen  Deum  nobis  proponit:  ne  quis  putet  legem  cum  evangelio  pugnare,  vel  alium  esse  huius,  quam  illius  autorem.  Itaque  ut  summam  huius  propositionis  teneas,  haec  tibi  figura  pingenda  est:  Deus  loquutus  est  Olim  per  prophetas:  Nunc  per  filium.  Tunc  patribus:  Nunc  autem  nobis.  Tunc  multifariam  :  Nunc  ut  in  fioe  temporum.  Hoc  iacto  fundamento,  consensus  inter  legem  et  evangelium  statuitur:  quia  Deus  qui  semper  est  sui  similis,  et  cuius  sermo  constans  est,  ac  immobilis  veritas,  utrisque  communiter  est  loquutus.  Sed  notandum  est  inter  nos  et  patres  discrimen:  quia  aliter  olim  apud  eos  sermonem  temperavit  quam  hodie  apud  nos.  Ao  primum  quidem  apud  illos  prophetis  usus  est:  nobis  vero  proprium  filium  legatum  constituit.  Conditio  igitur  nostra  in  hac  parte  iam  potior  est.  Porro  in  ordine  prophetarum  censetur  et  Moses:  ut  sit  unus  ex  eorum  numero,  qui  filio  sunt  longe  minores.  In  modo  quoque  revelationis  excellimus.  Nam  visionum  et  reliqui  regiminis  diversitas,  quae  fuit  sub  veteri  testamento,  argumento  erat,  nondum  statum  esse,  fixumque  regimen,  quale  rebus  optime  compositis  esse  decet.  Huc  pertinet  quod  dicit,  multifariam  multisque  modis.  Eandem  enim  formam  perpetuo  usque  in  finem  prosequutus  esset  Deus,  si  fuisset  illa  numeris  omnibus  absoluta.  Sequitur  ergo,  varietatem  fuisse