54:9  9  SUR  LA  SECONDE  A  TIMOTHEE.  10  Et  voila  pourquoy  sainct  Paul  notamment  parle  de  la  promesse  de  vie:  comme  s'il  disoit,  qu'il  n'apporte  point  des  songes  qu'il  ait  bastis  en  son  cerveau,  qu'il  n'a  point  aussi  ramasse  ca  et  la  quelque  doctrine  estrange,  mais  qu'il  propose  ce  que  Dieu  luy  a  commande.  Retenons  doncques  que  tous  ceux  qui  veulent  estre  recognus  pasteurs  en  l'Eglise  de  Dieu,  doyvent  s'astraindre  a  ceste  regle,  c'est  d'anoncer  l'Evangile  en  telle  sorte  qu'il  n'y  ait  nul  meslinge  ni  corruption  de  leur  coste.  Cependant  sainct  Paul  aussi  nous  rend  ici  son  ministere  amiable,  afin  que  nous  scachions  que  c'est  nostre  souverain  bien  que  de  l'escouter  et  recevoir.  Car  pourquoy  et  a  quelle  fin  est-ce  que  Dieu  nous  suscite  des  docteurs  qui  nous  preschent  l'Evangile?  Est-ce  pour  avantage  qu'il  y  ait?  Nenni:  mais  il  procure  nostre  salut.  Quand  doncques  nous  voyons  que  Dieu  n'a  regarde  sinon  a  nostre  bien  et  profit,  quand  il  a  voulu  que  son  Evangile  soit  publie,  nous  sommes  plus  que  malins  si  nous  refusons  d'estre  ainsi  conduits:  car  c'est  comme  si  nous  despitions  Dieu  en  voulant  repousser  la  vie  qu'il  nouB  offre.  S'il  venoit  exiger  son  droit,  comme  un  prince  qui  demandera  ses  tributs;  et  qu'il  usast  de  rigueur  telle  qu'il  pourroit,  encores  faudroit-il  plier  le  col.  Mais  nous  aurions  quelque  excuse  devant  les  hommes  de  dire,  Si  Dieu  se  monstroit  Pere  et  Sauveur  envers  nous,  nous  serions  contens  de  nous  ranger  a  luy:  mais  quand  il  n'y  a  que  frayeur,  il  ne  se  faut  point  esbahir  si  nous  reculons.  Nous  pourrions  alleguer  cela.  Or  maintenant  il  n'y  a  nulle  excuse  telle.  Et  pourquoy?  Car  Dieu  ne  parle  point  sinon  pour  nostre  bien:  il  veut  que  son  amour,  sa  misericorde,  sa  bonte  infinie  nous  soyent  mises  au  devant,  que  nous  soyons  certifiez  de  nostre  salut,  que  nous  soyons  retirez  de  la  mort  eternelle,  que  nous  soyons  desliez  des  liens  de  Satan,  que  nous  soyons  affranchis  de  la  servitude  de  mort  pour  estre  heritiers  de  son  royaume.  Quand  doncques  Dieu  ne  pretend  qu'a  cela,  ne  faut-il  pas  dire  que  nous  soyons  par  trop  ensorcelez  de  Satan,  si  nous  ne  sommes  prompts  a  recevoir  une  telle  doctrine?  Ainsi  donc,  quand  nous  sentirons  en  nous  quelque  rebellion,  ou  bien  quelque  contredit,  ou  quelque  tardivete  trop  grande,  que  nous  ne  serons  pas  si  agiles  qu'il  seroit  requis  pour  nous  laisser  conduire  par  la  bouche  de  Dieu,  que  nous  n'aurons  pas  une  telle  ardeur,  ni  un  tel  zele  comme  il  seroit  a  souhaiter,  reduisons  en  memoire  ce  que  sainct  Paul  traitte  ici  de  l'Evangile,  c'est  que  Dieu  n'a  point  voulu  qu'il  nous  soit  presche  pour  gain  qu'il  y  ait  de  sa  part,  mais  c'est  pour  nostre  profit.  Yoila  donc  ce  que  nous  avons  a  noter.  Et  cependant  ce  n'est  point  sans  cause  que  sainct  Paul  monstre  qu'il  le  propose,  voire  en  Iesus