53:9  9  SUR  LA  PREMIERE  A  TIMOTHEE.  salut.  Il  a  espandu  son  sang,  afin  que  nous  soyons  lavez  et  nettoyez  de  nos  macules.  Il  a  efface  la  malediction  qui  estoit  sur  nous:  il  nous  a  delivrez  et  affranchis  de  la  servitude  de  mort,  il  a  aboli  le  peche.  Nous  voyons  donc  qu'il  nous  faut  cercher  nostre  salut  en  nostre  Seigneur  Iesus  Christ,  et  que  c'est  a  bon  droict  qu'il  est  nomme  nostre  Sauveur.  Mais  aussi  ce  n'est  point  sans  cause  que  S.  Paul  intitule  ainsi  en  ce  passage  Dieu  le  Pere.  Et  pourquoy?  Voyons  d'ou  c'est  que  Iesus  Christ  nous  est  venu.  Il  nous  a  este  envoye  de  Dieu  son  Pere,  comme  l'Escriture  le  porte,  que  Dieu  a  tant  aime  le  monde,  qu'il  n'a  point  espargne  son  Fils  unique,  mais  l'a  livre  a  la  mort  pour  nous.  Pourtant  quand  nous  aurons  contemple  nostre  salut  en  la  personne  de  nostre  Seigneur  Iesus  Christ,  il  nous  faut  venir  a  la  source  et  fontaine  dont  il  nous  procede,  c'est  ascavoir  de  ceste  amour  que  Dieu  a  portee  au  genre  humain.  Voila  pourquoy  S.  Paul  nomme  Dieu  nostre  Sauveur:  signifiant  par  ce  mot  que  toutesfois  et  quantes  que  nous  pensons  au  bien  qui  nous  a  este  apporte  et  acquis  par  nostre  Seigneur  Iesus  Christ,  que  nous  eievions  nos  esprits  plus  haut,  et  que  nous  cognoissions  que  Dieu  ayant  pitie  de  la  perdition  en  laquelle  estoit  toute  la  lignee  d'Adam,  y  a  voulu  pourvoir,  et  y  a  donne  ce  remede,  c'est  ascavoir  que  nostre  Seigneur  Iesus  Christ  nous  est  venu  retirer  des  abysmes  de  mort  esquels  nous  estions:  mais  cependant  Iesus  Christ  est  appele  nostre  esperance,  afin  que  nous  scachions  que  c'est  en  luy  qu'il  nous  faut  appuyer  et  avoir  tout  nostre  repos.  Car  comment  pourrions-nous  apprehender  le  salut  que  Dieu  nous  a  donne,  si  ce  n'est  que  nous  ayons  appointement  avec  luy  par  le  moyen  de  nostre  Seigneur  Iesus  Christ?  veu  que  cependant  que  nous  regarderons  a  la  maieste  de  Dieu,  il  faut  que  nous  soyons  espouvantez.  Et  voila  qui  a  este  cause  de  faire  cercher  aux  Papistes  tant  de  patrons  et  d'advocats,  tant  de  moyens,  tant  de  menus  fatras,  c'a  este  afin  d'estre  asseurez  de  leur  salut.  Et  si  n'en  sont-ils  pas  venus  a  bout:  car  depuis  qu'on  se  destourne  de  Iesus  Christ,  il  faut  qu'on  soit  en  doute  et  en  perplexite:  et  eneores  que  les  hommes  s'endorment  pour  quelque  peu  de  temps,  si  est-ce  qu'en  la  fin  il  faut  que  maugre  leurs  dents  ils  cognoissent  qu'ils  ont  este  abusez  en  leurs  vaines  imaginations.  Tant  y  a  que  les  Papistes  ne  cognoissent  point  ce  qui  est  ici  declare  par  S.  Paul,  que  Iesus  Christ  est  nostre  esperance,  combien  qu'ils  eussent  este  desia  instruits  en  cest  article  comme  Dieu  est  le  Sauveur  du  monde,  si  est-ce  qu'ils  ne  laissent  pas  d'estre  agitez  ca  et  la,  comme  on  voit  qu'ils  sont  transportez  pour  dire,  il  faut  faire  telle  chose,  il  faut  avoir  tel  moyen,  il  faut  tenir  un  tel  chemin,  et  encores  nous  faut-il  avoir  un  tel  patron  et  un  tel  advocat,  si  nous  voulons