51:9  9  SUR  L'EPITRE  AUX  GALATES.  10  6D  tout  et  par  tout  a  l'Evangile,  lesquels  s'accorderont  assez  avec  nous  pour  dire,  O  cela  est  vray,  mais  cependant  ei  faut-il  encores  supporter  beaucoup  de  choses,  il  y  faut  aller  avec  humanite  et  moderation.  Et  qui  les  meut  a  cela?  quel  fondement  ont-ils?  Voici  qu'ils  alleguent,  O  comment?  nous  voyons  les  feux  ailumez  partout,  et  d'esmouvoir  encores  les  troubles  qui  sont  desia  par  trop  grans,  que  sera-ce?  il  semble  qu'on  vueille  despiter  de  guetapens  ceux  qui  desia  sont  ennemis  de  l'Evangile,  qui  ont  le  glaive  au  poing,  qui  peuvent  tout  exterminer:  ne  vaudra-il  pas  mieux  encores  supporter  ie  ne  scay  quoy,  iusques  a  ce  que  Dieu  ait  donne  plus  de  repos  a  son  Eglise?  Telles  gens  donc  qui  demandent  de  faire  treves  avec  ceux  qui  combatent  manifestement  contre  nostre  Seigneur  lesus  Christ,  il  est  certain  qu'ils  sont  pleins  de  trahison.  Voici  donc  la  seconde  admonition  que  nous  avons  a  retenir  de  ce  passage.  Au  reste  quand  sainct  Paul  dit  que  le  scandale  de  la  croix  sera  aboli,  il  entend  que  le  monde  ne  sera  plus  tant  irrite  pour  reietter  la  doctrine  de  l'Evangile:  car  volontiers  il  nomme  la  predication  de  la  croix  la  simplicite  qui  est  quand  nous  preschons  Iesus  Christ,  voire  crucifie.  Or  le  monde  voudroit  tousiours  avoir  ses  pompes:  et  en  premier  lieu  nous  voyons  que  beaucoup  ont  les  aureilles  chatouilleuses,  et  ne  demandent  sinon  qu'on  leur  amene  quelque  rhetorique  plaisante,  quelque  langage  farde,  et  choses  semblables.  Apres  nous  voyons  que  beaucoup  ont  honte  de  la  simplicite  de  l'Evangile,  d'autant  que  si  les  grans  sont  conioints  et  accouplez  avec  les  petis,  il  semble  que  le  tout  ne  tende  a  autre  fin  sinon  d'abaisser  toute  hautesse.  Et  fautil  que  les  hommes  soyent  ainsi  despouillez  et  aneantis  du  tout  de  leur  gloire?  Beaucoup  donc  ont  honte  de  cela.  Or  pour  ceste  cause  sainct  Paul  dit,  Et  bien,  c'est  la  predication  d'un  gibet.  Il  est  vray,  car  il  a  falu  que  le  Fils  de  Dieu  pour  nous  ouvrir  le  royaume  des  cieux  ait  souffert  nostre  malediction,  qu'il  ait  endure  la  mort  tant  ignominieuse  devant  les  hommes:  que  mesmes  il  ait  este  maudit  de  la  bouche  de  Dieu:  comme  il  en  avoit  este  parle  en  la  Loy,  Maudit  sera  celuy  qui  pendra  au  bois.  Il  a  donc  falu  que  nostre  Seigneur  Iesus  Christ  pour  estre  nostre  pleige,  soit  venu  iusques  la:  brief  il  a  este  comme  abysme.  Et  nous  voyons  ce  qui  en  a  este  dit  par  le  Prophete  Isaie,  Qu'il  a  este  desfigure  comme  un  poure  ladre,  qu'on  n'a  pas  daigne  le  regarder  pour  le  tenir  du  reng  des  hommes.  Nous  voyons  aussi  au  Pseaume  22,  Ie  suis  un  ver,  et  non  pas  homme:  ie  suis  la  moquerie  des  plus  vilains,  que  mesmes  le  brigand  se  moque  de  luy  et  l'a  en  opprobre.  Et  bien,  de  prime  face  il  se  m  ble  que  ceste  doctrine  la  ne  merite  point  d'estre  receue:  mais  il  nous  doit  souvenir  de  ce  que  dit