50:9  9  CAPUT  I.  1.  Paulus  apostolus  Iesu  Christi,  per  voluntatem  Dei,  et  Timotheus  frater,  ecclesiae  Dei  quae  est  Corinthi^  cum  sanctis  omnibus  qui  sunt  in  tota  Achaia:  2.  Gratia  vobis  et  pax  a  Deo  patre  nostro,  et  Domino  Iesu  Christo,  3.  Benedictus  Deus,  et  pater  Domini  nostri  Iesu  Christi,  pater  misericordiarum,  et  Deus  omnis  consolationis,  4.  qui  consolatur  nos  in  omni  tribulatione  nostra,  ut  possimus  consolari  eos  qui  in  omni  tribulatione  sunt,  per  consolationem  qua  consolatur  nos  Deus.  5.  Quia  sicuti  abundant  passiones  Christi  in  nos:  ita  per  Christum  abundat  etiam  consolatio  nostra.  1.  Paulus  apostolus.  Cur  se  inscribat  apostolum  Christi,  et  cur  honorem  hunc  consequutum  se  Dei  voluntate  addat,  pete  ex  superiore  epistola:  ubi  dictum  est,  non  alios  esse  audiendos  quam  qui  a  Deo  missi  sunt  et  ex  ore  eius  loquuntur.  Ac  proinde  ad  autoritatem  alicui  conciliandam  duo  requiri,  vocationem,  et  fidem  eius  qui  vocatus  est,  in  exercendo  munere:  quorum  utrumque  sibi  Paulus  vendicat.  Idem  faciunt  et  pseudoapostoli:  sed  alienum  titulum  usurpando,  apud  filios  Dei  nihil  proficiunt,  quibus  illorum  impudentiam  coaguere  promptum  est.  Ideo  non  sufficit  solum  nomen,  nisi  adsit  ipsa  veritas:  ut  qui  se,  apostolum  esse  obtendit,  talem  etiam  se  opere  praestet.  Ecclesiae  Dei  cum  sanctis  omnibus.  Notandum  semper,  ut  ecclesiam  agnoscat,  ubi  tanta  erat  malorum  colluvies.  Non  enim  quorundam  vitia  impediunt  quominus  ecclesia  censeatur  quae  veras  religionis  tesseras  habet.  Sed  quid  sibi  vult  cum  omnibus  sanctis?  an  extra  ecclesiam  erant  sancti  illi?  Respondeo,  hanc  particulam  ad  fideles  referri,  qui  huc  illuc  per  diversos  provinciae  angulos  sparsi  erant.  Sicuti  probabile  est,  turbulento  illo  tempore,  quum  ubique  saevirent  Christi  hostes,  multos  fuisse  dissipatos,  quibus  sanctos  coetus  colligere  minime  commodum  erat.  3.  Benedictus  Deus.  Incipit  (quemadmodum  dictum  est)  ab  hac  gratiarum  actione,  partim  ut  Dei  bonitatem  praedicet,  partim  ut  animet  Corinthios  suo  exemplo,  ad  persequutiones  fortiter  sustinendas:  partim  ut  pia  gloriatione  se  efferat  adversus  malignas