49:9  9  EPIST.  PAULI  AD  ROMANOS  CAPUT  L  io  officium  apostoli  esse  evangelii  praedicationem.  Unde  apparet  quam  ridiculi  sint  isti  canes  muti,  qui,  quum  mitra  tantum  et  lituo  ac  eiusmodi  larvis  sint  conspicui,  se  tamen  apostolorum  successores  iactant.  Servi  nomeo  nihil  aliud  quam  ministrum  significat:  nam  ad  officium  refertur.  Quod  ideo  dico,  ut  tollatur  eorum  hallucinatio  qui  in  vocabulo  servi  sine  causa  philosophantur,  dum  antithesin  subesse  putant  inter  Mosis  et  Christi  servitutem,  2.  Quod  ante  promiserat,  ete.  Quia  multum  decedit  doctrinae  quae  suspecta  est  novitatis,  fidem  evangelii  stabilit  ex  vetustate:  ac  si  diceret,  Christum  non  in  terras  subitum  decidisse,  aut  novum  doctrinae  genus  et  prius  inauditum  importasse  :  siquidem  ipse  cum  suo  evangelio  promissus  ab  exordio  mundi  fuit  et  semper  exspectatus.  Iam  quia  fabulosa  est  saepe  antiquitas,  adiungit  testes,  et  eos  quidem  classicos,  ad  suspicionem  omnem  eximendam  :  nempe  Dei  prophetas.  Tertio  addit,  eorum  testimonia  rite  esse  consignata:  nempe  in  scripturis  sanctis.  Ex  hoc  loco  licet  colligere  quid  sit  evangelium:  quod  noa  a  prophetis  promulgatum  fuisse,  sed  promissum  tantum,  docet.  Ergo  si  prophetae  evangelium  promittebant,  sequitur,  manifestato  demum  in  carne  Domino  exhibitum  fuisse.  Falluntur  ergo  qui  promissiones  cum  evangelio  confundunt:  quum  proprie  evangelium  sit  solenne  praeconium  manifestati  Christi,  in  quo  promissiones  ipsae  exhibentur.  3.  De  filio  suo,  ete.  Insignis  locus,  quo  docemur  totum  evangelium  in  Christo  contineri:  ut  quisquis  a  Christo  pedem  unum  dimoverit,  ab  evangelio  se  subducat.  Nam  quum  ipse  viva  sit  et  expressa  imago  patris,  non  mirum  est,  eum  solum  nobis  proponi  ad  quem  se  tota  fides  nostra  applicet  et  in  quo  consistat.  Est  igitur  quaedam  evangelii  descriptio:  qua  designat  Paulus  quid  in  ipso  summatim  comprehendatur.  In  eodem  casu  reddidi  voces  quae  sequuntur,  I  e  s  u  C  h  r  i  s  t  o  ete.  quod  hic  contextus  magis  congruere  mihi  videbatur.  Unde  constituendum  est,  eum  qui  in  Christi  cognitione  rite  profecit,  quidquid  ex  evangelio  disci  potest,  consequutum  esse.  Sicut  e  converso,  qui  extra  Christum  sapere  appetunt,  non  desipiunt  modo,  sed  penitus  insaniunt.  Qui  factus  est,  ete.  Duo  sunt  in  Christo  quaerenda,  quo  salutem  in  ipso  reperiamus:  divinitas,  et  humanitas.  Divinitas  in  se  continet  potentiam,  iustitiam,  vitam,  quae  per  humanitatem  nobis  communicantur.  Quare  utrumque  in  evangelii  summa  nominatim  posuit  apostolus,  quod  exhibitus  in  carne  Christus  fuit,  et  in  ea  filium  se  esse  Dei  declaravit:  quemadmodum  et  Iohannes,  postquam  sermonem  factum  esse  carnem  dixerat,  subiungit  exstitisse  gloriam  quasi  unigeniti  filii  Dei  in  carne  ipsa  (Iohan.  1,  14).  Quod  genus  et  originem  Christi  a  Calvini  opera.  Vol.  XLIX.