48:9  9  CAPUT  I.  10  terent  apostoli  quod  Dominus  volebat  absconditum.  Est  autem  hic  sapiendi  modus,  ut  quantum  ille  progreditur  docendo,  ad  discendum  parati  simus:  libenter  autem  ignoremus  quidquid  ipse  nos  celat.  Quando  autem  nobis  fere  omnibus  ingenita  est  stulta  et  inanis  curiositas,  cui  mox  accedit  audacia,  diligenter  observanda  est  haec  Christi  admonitio,  qua  utrumque  vitium  corrigit.  Verum,  ut  intelligamus  eius  mentem,  simul  tenenda  sunt  duo  membra  quae  coniungit.  Non  est,  inquit,  vestrum  scire,  quae  pater  in  sua  potestate  posuit.  Loquitur  quidem  de  temporibus:  sed  quum  aliarum  rerum  eadem  sit  ratio,  universale  praeceptum  statui  debet:  ut  contenti  Dei  revelatione,  nefas  esse  putemus  de  aliis  inquirere.  Hoc  verum  est  temperamentum  inter  duo  extrema.  Papistae,  ut  habeant  crassae  inscitiae  praetextum,  se  Dei  arcana  omittere  causantur.  Quasi  vero  tota  fides  ac  religio  nostra  aliunde  constet,  quam  ex  Dei  arcanis.  Facessat  ergo  Christus  cum  suo  evangelio,  si  penitus  a  Dei  arcanis  abstinendum  est.  Verum  tenenda  est,  ut  dixi,  mediocritas.  Cupidi  enim  ad  discendum  esse  debemus,  quatenus  nos  docet  coelestis  magister:  quae  autem  latere  vult,  ea  ne  quis  attingere  audeat:  ut  non  nisi  ad  sobrietatem  sapiamus.  Itaque,  quoties  stulta  plus  sciendi  quam  oportet  cupiditas  nos  sollicitat,  in  memoriam  revocemus  hoc  Christi  dictum:  Non  est  vestrum  nosse.  Nisi  enim  invito  ipso  et  vetante  perrumpere  libeat,  satis  ad  lasciviam  ingenii  nostri  cohibendam  habebit  ponderis.  Nunc  quod  ad  temporum  praescientiam  attinet,  eam  modo  investigationem  damnat  Christus,  quae  ultra  divinae  revelationis  mensuram  penetrat.  Idque  secundo  membro,  quemadmodum  dixi,  notatur:  Quae  pater  in  sua  potestate  posuit.  Certe  hyemem  et  aestatem,  et  reliquas  anni  partes,  frigus  ac  calorem,  serenum  aut  pluvium  tempus,  in  sua  potestate  Deus  habet.  Sed  quia  perpetuam  fore  annorum  seriem  testatus  est,  non  dicitur  in  sua  potestate  locasse  quod  hominibus  communicavit.  Quidquid  arte,  doctrina,  iudicio,  usu,  comprehendunt  philosophi  aut  agricolae,  hoc  Deus  non  dicitur  retinuisse  sibi,  quia  apud  eos  quodammodo  deposuit.  Idem  et  de  prophetis  sentiendum.  Nam  illorum  officium  fuit  scire  quae  Dominus  manifestabat.  Verum  caecutire  nos  oportet  in  abscondito  rerum  successu,  quoad  futurum  tempus.  Nihil  enim  est  quod  nos  magis  ab  officio  retardet  quam  nimis  anxia  hac  in  parte  inquisitio.  Semper  enim  ex  futuro  eventu  consilium  capere  volumus:  atqui,  Dominus  eventum  occultans,  nobis  praescribit  quid  facto  sit  opus.  Hic  conflictus  exoritur,  quia  non  libenter  Deo  sinimus  quod  suum  est,  ut  eventus  ipse  solus  gubernet:  sed  ingerimus  nos  in  alienam  et  importunam  sollicitudinem.  In  summa,  prohibet  Christus,  ne  ad  nos  transferamus  quod  Deus  sibi  vendicat.  In  eo  genere  est  eorum  praescientia,  quae