46:9  9  SERMON  I.  10  tout  ce  que  nous  tenons  d'eux.  Car  ils  n'ont  rien  mis  de  leur  propre  sens:  ils  ne  se  sont  point  avancez  en  un  seul  mot:  mais  ils  nous  ont  fidelement  administre  ce  qui  leur  estoit  ordonne  de  Dieu.  Or  donc  maintenant  nous  voyons  comme  nostre  foy  doit  estre  asseuree,  et  a  quelles  enseignes,  et  quel  moyen  il  y  a,  que  nous  soyons  bien  certifiez:  c'est  que  nous  ayons  cela  pour  tout  conclu,  que  les  hommes  ne  sont  point  autheurs  de  l'Evangile,  et  qu'il  n'est  point  procede  de  leur  cerveau:  mais  que  Dieu  s'est  servi  d'eux  comme  d'instrumens  de  son  Esprit,  et  a  parle  par  leur  bouche.  Et  afin  que  nous  n'entrions  point  en  disputes,  et  que  nous  ne  facions  nulle  difficulte  d'accepter  ce  qu'ils  nous  ont  enseigne,  ils  sont  nommez  Ministres,  c'est  a  dire,  tesmoins  autentiques,  que  Dieu  nous  addresse,  afin  aussi  qu'ils  ayent  authorite  et  reverence  entre  nous.  Et  c'est  (comme  i'ay  dit)  pour  monstrer  nostre  vraye  humilite,  et  obeissance  de  foy.  Car  si  les  Anges  descendoyent  iournellement  du  ciel  pour  nous  apporter  quelque  revelation,  il  ne  se  faudroit  point  esbahir  si  nous  en  estions  esmeus:  mais  ce  seroit  comme  une  contrainte.  Au  reste,  quand  nous  voyons  une  simplicite  en  la  doctrine  de  l'Evangile,  qui  est  mesprisee  des  sages  de  ce  monde,  qui  sont  enflez  d'outrecuidance  et  de  presomption:  quand  nous  voyons  que  ceux  qui  sont  deputez  et  commis  pour  nous  enseigner,  sont  comme  vaisseaux  de  terre  fragiles,  qui  ne  valent  point  un  liard,  et  neantmoins  qu'ils  nous  apportent  ce  thresor,  qui  est  excellent  par  dessus  tous  autres:  et  mesmes  que  nous  pourrions  mespriser  l'Evangile  sous  ombre  des  personnes,  qui  sont  poures  pecheurs  comme  nous,  et  qui  neantmoins  font  une  chose  si  excellente,  que  de  nous  ouvrir  le  Royaume  des  cieux:  quand  nous  voyons  cela,  et  que  neantmoins  nous  ne  laissons  pas  de  nous  ranger  paisiblement  a  la  doctrine  qui  nous  est  enseignee  par  eux,  en  cela  nous  monstrons  l'honneur  que  faisons  a  nostre  Dieu,  que  quand  il  nous  feroit  signe  du  doigt  d'un  petit  enfant,  que  nous  serions  prests  de  suyvre  par  tout  ou  il  nous  appelleroit.  Voyla  donc  ce  qu'avons  a  retenir.  Or  S.  Luc  addresse  bien  ceste  preface  a  un  seul  homme:  mais  ce  n'est  pas  a  dire  que  ceste  doctrine  ne  soit  generale,  et  qu'elle  n'appartienne  a  toute  l'Eglise,  et  qu'elle  ne  s'adresse  a  nous.  Quand  nous  lisons  ies  Epistres  de  8.  Paul,  ce  qu'il  a  escrit  a  Tite  et  a.  Timothee,  ne  nous  sert-il  pas  auiourd'huy,  comme  s'il  s'estoit  addresse  aussi  bien  a  nos  personnes?  Il  est  bien  certain.  Ainsi  en  est-il  de  l'histoire  de  S.  Luc.  Il  a  bien  parle  a  un  homme  seul:  mais  ce  n'est  point  pour  son  regard,  c'a  este  comme  pour  luy  mettre  ce  thresor  en  depost,  afin  qu'il  nous  apparteinst:  tellement  que  iamais  cela  ne  s'ensevelisse,  et  qu'on  ne  des-