43:9  9  CAPUT  I.  10  non  tantum  in  Syriis,  sed  in  aliis  etiam  gentibus.  Ergo  nulla  erat  regio,  in  qua  non  exstaret  testimonium  longae  tolerantiae  Dei.  Hinc  sequitur  mundum  impie  conqueri  de  nimio  rigore,  quum  Deus  vindictam  sumit,  quia  semper  exspectat  dum  iniquitas  ad  summum  usque  cumulum  pervenerit,  sicuti  heri  dictum  est.  Iam  simul  etiam  hic  nobis  horribile  spectaculum  proponitur  in  tot  gentibus.  Si  comparemus  aetatem  illam  cum  nostra,  certe  adhuc  tunc  vigebat  maior  integritas:  hodie  corruptelae  omnes  ita  exundarunt,  ut  fuerit  quasi  aureum  saeculum  tempore  Amos:  et  tamen  audimus  quid  hic  pronuntiet,  nempe  et  populum  Iehudah,  et  Israelitas,  et  reliquas  omnes  gentes  fuisse  quasi  monstra,  quum  scilicet  Deus  nullam  resipiscentiam  exprimere  posset.  Neque  enim  frustra  hic  testatur  se  sumpturum  poenas  de  malitia  prorsus  obstinata,  quoniam  non  fuerint  ad  ipsum  conversi,  qui  ad  septenarium  usque  numerum  progressi  erant:  hoc  est,  qui  peccaverant  sine  modo  et  fine,  quemadmodum  dictum  fuit.  Hoc  ergo  etiam  notandum  est  in  verbis  prophetae.  Sed  non  possem  nunc  ulterius  progredi.  Exposuimus  hesterna  lectione  quid  intelligat  propheta  per  tria  et  quatuor  scelera  Damasci  :  nempe  obstinatam  malitiam  et  incurabilem.  Deus  enim  hic  pronuntiat  se  satis  diu  tulisse  scelera  Damasci:  sed  nunc  quodammodo  se  cogi  ad  ultimum  rigorem,  quoniam  videat  nullam  spem  esse  correctionis.  Sed  posset  videri  absurdum  quod  sequitur.  Continuo  enim  post  subiicit  propheta,  Quod  trituraverint  serreis  plaustris,  vel  serris,  Galaad.  Hic  tantum  commemorat  unum  scelus.  Ubi  igitur  septem  illa  de  quibus  loquutus  est?  Solutio  est  facilis.  Neque  enim  quum  tria  et  quatuor  scelera  Damasci  nominat,  intelligit  species  scelerum  diversas,  sed  potius  illam  pervicaciam,  de  qua  diximus.  Fuerant  enim  Deo  rebelles  usque  ad  extremum:  et  Deus  vindictam  suam  suspenderat,  donec  palam  constaret  ipsos  esse  insanabiles.  Ergo  non  fuit  opus  hic  recenseri  septem  diversa  scelera.  Satis  enim  fuit  Damascum,  hoc  est,  regnum  Syriae  teneri  convictum  tantae  obstinationis,  ut  constaret  non  potuisse  remedium  adhiberi  eius  sceleribus:  quia  tentaverat  longo  tempore  patientiam  Dei.  Iam  subiicit  propheta,  Emittam  ignem  in  domum  Chasael,  qui  comedet  palatia  Ben-  Adad.  Loquitur  adhuc  propheta  de  regno  Syriae.  Scimus  tam  Ben-Adad  quam  Chasael  fuisse  reges  Syriae.  Quanquam  nimis  crasse  fallitur  Hieronymus,  qui  putat  Ben-Adad  secundo  loco  poni,  quasi  fuerit  successor  Chasael.  Sacra  autem  historia  refert  venisse  Chasael  ad  Helisaeum,  quum  Ben-Adad  in  lecto  decumberet.  Miserat  autem  illum  petendi  responsi  causa.  Iam  propheta  declarat  Chasael  futurum  regem  Syriae,  et  id  non  sine  lacrymis,