42:9  9  SUR  LE  XL  CHAP.  DE  DANIEL.  10  grand,  qui  ue  dominera  point  en  sa  lignee,  que  quand  il  aura  domine  il  faudra  qu'il  tombe  bas  en  une  minute  de  temps,  et  puis  il  faudra  que  son  royaume  soit  dissipe  et  qu'il  vienne  a  d'autres.  Or  quand  Daniel  a  ainsi  parle,  ii  adiouste,  Que  le  roy  de  midi  s'eslevera,  et  toutesfois  qu'il  y  en  aura  un  autre  plus  puissant,  et  qu'il  surmontera.  Quand  il  parle  du  roy  de  midi,  il  entend  Ptolomee,  qui  domina  en  Egypte,  il  estoit  l'un  des  capitaines  d'Alexandre,  qui  se  feist  roy,  a  l'exemple  de  Seleucus.  Or  quand  il  dit,  qu'il  y  en  aura  un  autre  plus  puissant,  il  signifie  ce  Seleucus  qui  tenoit  depuis  Babilonne  devers  Orient,  tous  les  pays  qu'Alexandre  avoit  conqueste  de  ce  pays  d'Asie,  qui  est  la  fin  de  Grece,  mais  tant  y  na  qu'il  estoit  bien  voisin  des  Iuifs.  Et  pourtant  il  est  dit  estre  plus  grand  que  le  roy  d'Egypte,  pourquoy  est  ce  que  Daniel  fait  ici  mention  notamment  de  ces  deux,  et  qu'il  laisse  la  le  pays  de  Macedone,  pourquoy  est  ce  qu'il  laisse  les  autres  pays?  D'autant  que  les  Iuifs  eussent  a  faire  a  ces  deux  roys  ici,  car  ils  estoient  au  milieu  d'eux  deux,  Iudee  estoit  entre  Egypte  et  entre  Syrie.  Ainsi  donc  ce  voisinage  la  estoit  cause  que  les  Iuifs  ont  beaucoup  endure,  maintenant  par  le  roy  d'Egypte,  maintenant  par  le  roy  de  Syrie  (comme  il  sera  declare  en  ce  chapitre  ici)  car  aussi  toute  la  somme  de  ce  que  l'ange  declare  a  Daniel  tend  la,  qu'il  faudra  que  les  Iuifs  soient  griefvement  affliges,  qu'ils  soient  comme  une  brebis  au  milieu  de  deux  loups,  qu'on  les  pille,  qu'on  les  mange,  qu'il  semble  qu'ils  doivent  estre  devores  du  tout,  et  quand  ils  ne  le  seront  pas,  qu'il  faudra  attribuer  cela  a  une  grace  et  misericorde  de  Dieu  admirable,  d'autant  qu'il  est  le  fondement  de  son  Eglise.  Voila  donc  la  somme  ou  tendra  le  chapitre  present,  et  voila  pourquoy  l'ange  parle  notamment  a  Daniel,  de  ces  deux  royaumes  ici,  c'est  a  scavoir  du  royaume  de  midi,  car  Egypte  au  regard  de  Iudee  tendoit  au  coste  de  midi,  il  nous  faut  tousiours  noter  la  situation  des  pays,  quand  l'escriture  en  parle:  il  est  vray  qu'alors  Daniel  n'estoit  pas  au  pays  de  Iudee,  nous  avons  veu  qu'il  estoit  au  pres  du  fleuve,  qui  se  nomme  le  Thibre,  mais  cependant  l'ange  parle  a  luy  aiant  tousiours  regard  a  cette  terre  saincte,  ou  Dieu  avoit  esleu  son  siege,  car  il  disoit,  ie  suis  assis  entre  les  cherubins,  ie  fais  ma  demeure  en  Zion.  Quand  donc  Dieu  parle  il  veut  tousiours  representer  au  vif  cette  alliance,  qu'il  avoit  faitte  avec  son  peuple,  et  cela  devoit  servir  beaucoup  au  prophete,  car  combien  que  Daniel  fust  en  pays  estrange,  si  est  ce  qu'il  connoist  que  Dieu  n'avoit  point  oublie  ce  pays  qu'il  avoit  choisi  pour  un  coup,  et  donne  en  heritage  aux  enfans  d'Abraham,  et  puis  il  connoissoit  que  cette  promesse  qui  avoit  este  donnee  du  retour  du  peuple  n'estoit  point