41:9  9  IN  DANIELEM.  CAP.  VI.  io  teriore  cultu  Dei,  sed  de  professione  externa.  Si  vetitus  fuisset  Daniel  precari,  poterat  videri  necessaria  esse  haec  fortitudo,  qua  fuit  praeditus:  nunc  vero  multi  putarent  eum  fuisse  periclitatum  sine  gravi  causa,  ubi  se  ita  ad  mortem  proiecit,  quando  tantum  prohibebatur  ab  externa  professione.  Sed  quia  hic  Daniel  ipse  non  est  praeco  suae  virtutis,  sed  spiritus  per  os  eius  loquitur,  tenendum  est  placuisse  Deo  hanc  animi  magnitudinem  in  sancto  propheta.  Et  liberatio  eius  ostendit  quantopere  probata  fuerit  eius  pietas,  quia  maluerat  se  propria  vita  abdicare,  quam  mutare  aliquid  ex  sua  consuetudine,  quantum  ad  cultum  Dei.  Scimus  hoc  praecipuum  esse  sacrificium,  quod  Deus  exigit,  nempe  invocationem.  Nam  testamur  ipsum  nobis  esse  bonorum  omnium  autorem,  deinde  etiam  fidei  nostrae  specimen  edimus,  dum  ad  ipsum  confugimus,  et  in  eius  sinum  coniicimus  omnes  nostras  curas,  et  offerimus  illi  vota  nostra.  Quum  ergo  in  adoratione  et  cultu  Dei  primas  partes  obtineat  precatio,  fuit  certe  hoc  non  levis  momenti,  quod  rex  vetuit,  ne  quisquam  Deum  oraret  :  erat  illa  manifesta  et  nimis  crassa  abnegatio  pietatis.  Et  hinc  rursum  colligimus  quam  caeca  fuerit  regis  superbia,  dum  potuit  subscribere  tam  impio  et  foedo  edicto  :  deinde  quantopere  insanierint  proceres,  qui,  ut  Danielem  perderent,  ita  quantum  in  se  erat,  conati  sunt  delere  omnem  pietatem,  et  detrahere  e  coelo  Deum.  Quid  enim  reliquum  est,  ubi  existimant  homines  se  posse  carere  auxilio  Dei,  et  secure  eum  praetereunt?  Scimus,  nisi  singulis  momentis  nos  fulciat  sua  virtute,  in  nihilum  redactum  iri.  Quum  ergo  vetaret  rex  usque  ad  totum  mensem  ullam  precationem  concipere,  hoc  erat,  quemadmodum  dixi,  exigere  a  singulis  ut  Deum  abnegarent.  Ergo  Daniel  non  potuit  edicto  parere,  quin  Deo  inferret  atrocem  iniuriam,  et  deficeret  a  pietate  :  quoniam,  ut  dixi,  praecipuum  hoc  sacrificium  exigit  Deus.  Ergo  non  mirum  est,  si  Daniel  cordate  se  opposuit  sacrilego  edicto.  Iam  quod  ad  professionem  spectat,  necesse  etiam  fuit  testari  coram  hominibus  se  perstare  in  Dei  cultu.  Nam  si  quid  mutasset  ex  suo  more,  haec  erat  obliqua  abiuratio.  Non  dixisset  palam  se  Deum  contemnere  in  gratiam  Darii:  sed  ipsa  diversitas  signum  fuisset  perfidae  defectionis.  Scimus  autem  non  tantum  fidem  cordis  a  Deo  requiri,  et  interiorem  affectum,  sed  etiam  testimonium  et  confessionem  pietatis  nostrae.  Debuit  igitur  Daniel,  nisi  vellet  esse  foedissimus  apostata,  perstare  in  sancto  illo  more,  cui  assueverat.  Solitus  autem  erat  apertis  fenestris  Deum  precari.  Ergo  retinuit  cursum  suum,  ne  quispiam  obiicere  posset  illum  ad  tempus  ita  gratificatum  esse  terreno  regi,  ut  Dei  cultum  abiiceret.  Atque  utinam  doctrina  haec  nunc  ita  insculpta  esset  omnium  cordibus,  ut  decebat!  Sed  ridetur  a  multis  hoc  prophetae  exemplum,  non  qui-