38:9  9  IN  IEREMIAM.  CAR  VIII.  10  quum  tamen  toties  et  tam  longo  tempore  illis  fuerit  ostensum.  Nam  poterat  quispiam  excipere,  Non  mirum  est  si  iudicium  Dei  non  perspicimus:  nam  iudicia  eius  sunt  abyssus  multa.  Et  si  haec  superant  mentes  nostras,  non  est  quod  nobis  vitio  vertatur.  Atqui  propheta  hic  disserit  non  de  arcanis  iudiciis  quae  fugiunt  hominum  mentes,  sed  de  poenis  quarum  toties  fuerant  admoniti.  Quum  ergo  ita  caecutirent  in  re  clara  et  dilucida,  merito  propheta  dicit  magis  esse  insipidos  quam  grues  et  reliquas  aves  de  quibus  loquitur.  Sequitur,  8.  Quomodo  dicetis  (pro,  dicitis  :  significat  continuum  actum),  sapientes  nos  (hoc  est,  nos  sumus  sapientes),  et  lex  Iehovae  nobiscum  est  (vel,  penes  nos,  melius):  certe  ecce  frustra  aptavit  stylum  (vel,  calamum)  scriptor:  frustra  sunt  scribae.  Hic  existimant  interpretes  prophetam  dirigere  verba  ad  sacerdotes  et  falsos  prophetas,  et  reliquos  populi  duces,  quia  scilicet  sibi  superbe  arrogabant  notitiam  legis.  Sed  potest  hoc  non  minus  apte  extendi  ad  totum  populum.  Neque  enim  dubium  est  (quemadmodum  paulo  post  videbimus)  quin  a  minimo  usque  ad  maximum  iactarent  omnes  se  satis  sapere.  Itaque  existimo  prophetam  hic  contra  totum  populum  invehi,  quoniam  sine  exceptione  omnes  respuerint  eius  doctrinam,  quemadmodum  videmus  etiam  hodie  fieri.  Nam  quotusquisque  est  qui  sustineat  moneri  et  reprehendi?  omnes  dicunt  se  satis  sapere:  O,  tu  existimas  me  esse  puerum:  vel,  quemadmodum  etiam  vulgo  loquimur,  existimas  me  esse  gruem  :  scio  quomodo  vivendum  sit,  et  non  destituor  ratione.  Ita  enim  rudissimi  quique  opponunt  suam  prudentiam  et  ingenii  acumen  Deo  et  prophetis.  Haud  dubie  talis  audacia  aut  ferocia  etiam  regnabat  saeculo  Ieremiae.  Nam  quum  durius  tractaret  ipsos,  in  promptu  erat  illis  haec  exceptio:  O,  tu  agis  hic  tanquam  cum  bardis  hominibus,  quasi  lex  Dei  sit  nobis  incognita,  quasi  non  a  prima  pueritia  fuerimus  edocti  qualiter  vivendum  sit.  Nonne  Deus  in  medio  nostri  habitat?  Quum  ergo  hunc  quasi  clypeum  opponerent  Iudaei  propheticae  doctrinae,  ideo  vehementius  hic  contra  illos  insurgit,  Quomodo  dicitis  vos  esse  sapientes?  Postea  definit  qualem  sapientiae  formam  sibi  vendicent,  nempe  quod  lex  Dei  esset  penes  ipsos:  et  certe  haec  est  perfecte  sapiendi  regula,  attendere  ad  legem  Dei.  Quod  si  hoc  vere  iactassent,  nempe  se  habere  legem,  propheta  non  obiiceret  ex  opposito,  eos  bis  desipere.  Sed  quoniam  falso  hoc  sumebant,  ideo  dicit,  Quomodo?  Et  hic  interrogat  quasi  de  re  nimis  absurda,  Quomodo  ita  desipitis,  inquit,  ut  vos  putetis  sapere,  quasi  lex  Dei  sit  penes  vos?  Certe,  si  ita  est,  frustra  scripta  est  lex.  Ostenditis  enim  tota  vita  vos  nunquam  gustasse  quid  lex  Dei  nobis