37:9  9  CAPUT  XL.  10  pet.  Nam  quum  porrigit  manum,  nihil  nos  abducere  aut  avertere  potest.  5.  (Et  revelabitur.)'  Significat  magnificum  fore  hoc  redemptionis  opus,  ita  ut  palam  Dominus  se  autorem  eius  esse  ostendat,  maiestatemque  suam  ac  potentiam  conspicuam  reddat.  Eam  quidem  omnibus  in  locis  ac  rebus  apertissime  ostendit:  sed  potissimum  in  vindicanda  ac  liberanda  ecclesia  id  se  promittit  facturum.  Nec  frustra,  quia  liberatio  ecclesiae  a  suis  exordiis  usque  ad  Christi  adventum  incredibilis  quaedam  fuit  orbis  renovatio.  Atque  haec  valde  opportuna  fuit  admonitio,  quum  virtus  Dei  quam  olim  ex  serere  solitus  fuerat  prope  exstincta  foret,  ut  vix  obscurae  scintillae  micarent,  sicuti  in  Psalmo  (74,  9)  dicitur:  Signa  nostra  non  videmus  etc.  promitti  novum  et  memorabile  specimen,  ex  quo  sentiant  Deum,  ubi  ad  tempus  dissimulat,  in  promptu  tamen  habere  varios  auxiliandi  modos.  Miraculum  deinde  amplificat  alia  circumstantia,  quia  non  in  Iudaea  modo,  sed  in  exteris  et  longinquis  regionibus  celebre  erit.  Nam  his  verbis  videbit  omnis  caro,  significat  nullas  fore  gentes  quibus  non  liqueat  populi  reditum  coeleste  esse  opus,  nec  Deum  frustra  per  prophetam  loquutum  esse.  Atque  in  eo  perstringit  hominum  incredulitatem,  qui  nunquam  acquiescunt  promissionibus  Dei,  atque  pro  fabulis  habent  quidquid  dicitur  a  prophetis,  donec  rem  ipsam  intuiti  cogantur  cedere.  Simul  hic  docemur  quae  sit  vera  ratio  corrigendae  nostrae  incredulitatis:  nempe,  si  nos  exerceamus  in  Dei  promissionibus  meditandis,  et  quaecunque  earum  documenta  exhibet,  fidem  nostram  confirment.  Sic  enim  doctrinam  ipsam  cum  experientia  coniungere  decet.  Nam  quia  frigeret  apud  nos  spectaculum  operum  Dei,  praelucet  verbi  sui  face:  deinde  ipso  effectu  veritatem  obsignat.  6.  (Vox  dixit:  clama.)  Hic  aliam  vocem  designat  ab  ea  de  qua  prius  loquutus  est.  Hactenus  enim  de  prophetarum  voce  agebat,  nunc  vocem  Dei  ipsius  intelligit  prophetas  clamare  iubentis.  Tametsi  vero  prophetarum  vox  sit  etiam  Dei,  cuius  organa  sunt,  (nec  enim  ex  se  ipsis  loquuntur)  tamen  haec  distinctio  necessaria  est,  ut  intelligamus  quando  iubeat  Dominus,  quando  prophetae  et  ministri  iussa  ipsius  exaequantur.  Et  concinna  est  inter  duas  voces  comparatio,  ut  discamus  non  minus  reverenter  excipere  quod  afferunt  prophetae,  quam  si  tonaret  Deus  ipse  e  coelo:  quia  non  loquuntur  nisi  ex  eius  ore,  et  quasi  intermedii  recitant  quod  suggessit.  Porro  haec  praefatio  de  re  maxime  seria  prophetam  acturum  esse  admonet:  quia  etsi  ubique  testatur  se  fideliter  de  manu  in  manum  tradere  quod  a  Deo  accepit:  hic  tamen  quo  plus  sibi  attentionis  conciliet,  narrat  sibi  expressa  Dei  voce  praescriptam  esse  loquendi  formulam.  Huc  pertinet  clamandi  verbum,  ac  si  diceret  mandatum  hoc  clara  et  sonora  voce