35:9  9  IOB  CHAP.  XXXII.  10  nous  traitte  en  trop  grande  rigueur,  et  que  nous  ne  voyons  point  la  raison  pourquoy  il  le  fait,  s'il  nous  semble  que  le  mal  dure  trop,  et  que  Dieu  n'espargne  point  nostre  fragilite,  qu'il  n'ait  point  pitie  de  nous  comme  il  doit:  que  nous  ne  taschions  point  la  bride  a  telles  phantasies  pour  y  consentir,  mais  que  tousiours  cecy  nous  vienne  en  memoire,  Dieu  est  iuste,  quoy  qu'il  en  soit.  Il  est  vray  que  nous  n'appercevrons  point  la  raison  de  ce  qu'il  fait,  mais  d'ou  procede  cela,  que  de  nostre  infirmite  et  rudesse?  Faut-il  que  nous  mesurions  la  iustice  de  Dieu  par  nostre  sens?  Ou  seroit-ce  aller?  Quel  propos  y  auroit-il?  Ainsi  donc  que  nous  apprenions  de  glorifier  Dieu  en  tout  ce  qu'il  fait:  et  combien  que  sa  main  nous  soit  rude,  que  nous  ne  laissions  pas  tousiours  de  confesser,  Helas!  Seigneur  si  i'entre  en  procez  avec  toy,  ie  say  bien  que  ma  cause  est  perdue.  Voila  comme  y  procede  Ieremie  (12,  1),  et  nous  monstre  le  chemin  de  ce  que  nous  avons  a  faire  :  car  combien  que  les  confusions  fussent  si  grandes,  qu'il  pouvoit  estre  effarouche  avec  le  reste  du  peuple  pour  murmurer,  toutes  fois  il  use  de  ceste  preface,  Seigneur,  ie  say  que  tu  es  iuste:  il  est  vray  que  ie  voudroye  entrer  en  dispute  contre  toy,  ie  suis  solicite  de  mon  appetit  charnel:  et  quand  ie  voy  les  choses  estre  si  confuses,  ie  voudroye  bien  m'enquerir  pourquoy  c'est  que  tu  besongnes  en  telle  sorte.  Ie  suis  donc  tente  de  cela:  mais  Seigneur  devant  que  me  donner  ceste  licence  de  m'enquerir  pourquoy  tu  le  fais  ainsi,  desia  ie  proteste  que  tu  es  iuste,  que  tu  es  equitable,  et  que  rien  ne  peut  sortir  de  toy  qui  ne  soit  digne  de  louange.  Voila  donc  la  procedure  que  nous  devons  tenir,  toutes  fois  et  quantes  que  les  iugemens  de  Dieu  incomprehensibles  nous  vienent  au  devant:  c'est  a  savoir  que  nous  cognoissions  que  nostre  esprit  n'est  point  capable  de  monter  si  haut,  et  que  ce  sont  des  abysmes  trop  profonds  pour  nous.  Et  sur  tout  pratiquons  cela  en  nos  personnes:  car  pource  que  les  hommes  sont  pleins  d'hypocrisie,  ils  cuident  tousiours  estre  purs  devant  Dieu  et  innocens:  et  s'ils  ne  se  font  a*  croire  cela  du  tout,  si  est-ce  neantmoins  qu'il  leur  semblera  bien  que  Dieu  n'a  point  occasion  de  les  poursuivre  en  si  grande  rigueur:  chacun  se  flatte  pour  amoindrir  ses  pechez,  encores  qu'il  en  soit  convaincu.  Et  bien,  il  est  vray  que  ie  suis  pecheur,  dira-on,  mais  si  ne  suisie  point  des  pires  du  monde.  Et  pourquoy  ne  cognoissons-  nous  point  la  grandeur  de  nos  pechez?  C'est  pource  que  nous  mettons  des  bandeaux  devant  nos  yeux.  D'autant  donc  que  nous  sommes  enflez  d'orgueil,  il  faut  que  nous  pratiquions  ceste  lecon,  sur  tout  quand  Dieu  nous  afflige,  de  ne  point  entrer  en  querelle  contre  luy,  encores  qu'il  nous  semble  que  ses  chastimens  soyent  rudes  par  trop: