34:9  9  IOB  CHAP.  XVI.  10  a  donne  une  bonne  regle,  nous  sommes  esmeus  d'ambition,  de  haine,  d'orgueil,  d'avarice.  Voila  comme  tout  est  .perverti.  Si  donc  il  y  a  de  l'ambition  en  nous,  et  que  pour  nous  faire  valoir,  nous  venions  a  mespriser  nos  prochains:  s'il  y  a  de  la  temerite,  que  nous  iettions  une  sentence  a  la  volee,  devant  qu'avoir  bien  cognu  le  merite  de  la  cause:  si  nous  sommes  menez  d'orgueil,  que  nous  vueillions  nous  advancer  en  reprimant  ceux  que  nous  verrons  aller  devant  nous:  quand  nous  serons  incitez  par  haines  et  malvueillances,  que  nous  serons  aveuglez  ou  d'amour,  ou  de  faveur,  que  faut-il  faire?  Entrons  en  nous-mesmes,  et  que  nous  prions  Dieu  qu'il  nous  conduise,  et  qu'il  nous  ouvre  le  coeur  pour  iuger  droitement,  Or  ca,  s'il  estoit  question  de  toi,  que  dirois-tu?  Voila  comme  nous  serons  et  sages,  et  prudens,  et  rassis,  c'est  assavoir,  quand  nous  aurons  applique  a  nos  personnes  ce  que  nous  iettons  contre  un  autre.  Car  nous  sommes  tant  adonnez  a  nostre  appetit  et  profit  (comme  i'ai  dit)  et  nature  nous  retient  la,  qu'un  chacun  s'aime,  voire  par  trop.  Pour  ceste  cause  nous  serons  tant  moins  excusez  de  ce  vice,  quand  il  se  trouvera  en  nous,  veu  que  nous  sommes  si  souvent  exhortez  de  suivre  droiture  et  equite.  Or  prions  Dieu  qu'il  besongne  tellement  en  nous,  que  par  son  S.  Esprit  ce  vice  soit  converti  en  vertu.  Considerons  qu'emporte  ce  mot,  Tu  aimeras  ton  prochain  comme  toy-mesmes.  Qui  est  cause  qu'un  chacun  sort  de  sa  mesure,  et  que  nous-nons  aimons  par  trop  en  mesprisant  nos  prochains?  sinon  d'autant  que  nous  ne  prattiquons  point  assez  diligemment  ce  qui  nous  est  dit,  que  nous  ne  devons  point  estre  tellement  adonnez  a  nous-mesmes,  que  nous  n'aimions  nos  prochains  comme  nos  propres  personnes.  '  Car  nous  devrions  avoir  ceste  consideration-la,  que  Dieu  nous  a  tous  creez  a  son  image,  et  puis  nous  sommes  d'une  mesme  nature.  Sur  cela  aussi  il  nous  monstre  qu'il  nous  faut  accorder  en  vraye  fraternite  avec  ceux  qui  sont  conioints  avec  nous.  Voila  ce  que  nous  avons  a  retenir  de  ce  passage,  quand  Iob  remonstre  a  ceux  qui  Taccusoyent  iniustement,  qu'ils  ne  voudroient  pas  qu'on  leur  fist  le  semblable,  il  ne  faut  point  donc  qu'ils  abusent  ainsi  de  .ea  patience.  Voila  ce  que  nous  avons  a  recueillir  en  somme.  Or  il  est  dit  quant  et  quant,  Ie  me  tairay  maintenant,  mais  que  profiter  a-il?  Si  ie  parle,  quel  allegement  en  auray-ie?  Iob  veut  ici  prevenir  la  replique  qu'on  lui  pourroit  faire,  car  ses  amis  pouvoient  dire,  Console  toi  donc,  puis  que  tu  es  si  habile  homme:  et  que  si  nous  estions  en  tel  estat,  tu  pourrois  faire  merveilles:  maintenant  vien  a  desployer  toutes  tes  facultez  envers  toy.  Mais  il  dit,  Me  voici  en  estat  si  miserable,  que  ie  n'en  puis  plus.  Ainsi  donc  ie  ne  say  quelle  esperance