32:9  9  PSALMUS  XCII.  10  salutis  eorum  cursu,  triumphandi  materiam  suppeditat.  Quod  autem  de  longitudine  dierum  ultimo  versu  promittit,  videtur  absurdum  esse,  quia  ut  plurimum  contingit  fideles  celerius  e  mundo  migrare.  Sed  hic  repetere  convenit  quod  alibi  diximus,  Dei  benedictiones  quae  ad  hanc  caducam  vitam  spectant,  non  esse  perpetuas,  neque  aequali  tenore  fluere.  Quamvis  enim  gustum  amoris  sui  praebeat  in  opibus  vel  aliis  commodis,  non  tamen  sequitur,  odio  illi  esse  pauperes  :  quamvis  sanitas  corporis  et  firma  valetudo  eius  beneficium  sit,  non  propterea  censebimus  aegrotos  et  debiles  ei  esse  exosos.  In  hoc  genere  est  vitae  diuturnitas,  qua  satiaret  Deus  servos  omnes  suos,  nisi  utilius  ipsis  foret,  mature  e  mundo  migrare.  Interea  exiguo  vitae  spatio  melius  satiantur,  quam  increduli  decem  saeculis.  Ita  nemini  unquam  profano  continget  satiari  longitudine  dierum  :  quia  etiamsi  mille  annos  continuent,  sunt  inexplebiles,  vitam  ipsam  ingurgitant:  nec  Dei  bonitate,  quae  sola  animos  tranquillat,  vel  ad  momentum  fruuntur.  Unde  non  immerito  propheta  singulari  privilegio  fideles  dicit  vita  satiari,  quibus  satis  superque  sufficit  maturum  vocationis  suae  cursum  complere.  Et  sane  quum  pluris  longe  sit  aeternitas  dierum  quam  diuturnitas,  salus  autem  Dei  terrenae  vitae  angustiis  minime  inclusa  sit:  ad  hanc  praecipue  intentas  esse  decet  pias  mentes  tam  in  morte  quam  in  vita.  Consulto  enim  hanc  quasi  extremam  clausulam  omnibus  Dei  beneficiis  adiecit  propheta,  quod  salutem  suam  ostendat  fidelibus  postquam  eos  per  totam  vitam  paterno  favore  prosequutus  fuerit.  PSALMUS  XCII.  ARG.  Continet  exhortationem  ad  laudandum  Deum  :  materiam  vero  in  operibus  eius  proponit,  in  quibus  praecipue  iustitiam  eius  in  tuendis  fidelibus,  et  in  reprobis  perdendis  iudicium  commendat.  Qua  doctrina  omnes  ad  studium  colendae  probitatis  animat:  et  ne  in  crucis  tolerantia  deficiant,  felicem  malis  omnibus  exitum  illis  promittit.  Rursum  ut  absterreat  a  sceleribus,  denuntiat,  omnes  impios,  utcunque  ad  tempus  floreant,  brevi  perituros.  1.  Psalmus  cantici  ad  diem  Sabbathi.  2.  Bonum  est  confiteri  Iehovae,  psallere  nomini  tuo  Excelse,  3.  Annuntiare  mane  bonitatem  tuam,  et  veritatem  tuam  nocte,  4.  Super  psalterio,  et  super  ndblo,  super  higgaion  cum  cithara.  5.  Quia  exhilarasti  me  Iehova  in  operibus  tuis:  in  factis  manuum  tuarum  exsultdbo.  (Bonum  est  confiteri.)  Non  dubito  quin  Psalmum  hunc  cantare  soliti  fuerint  die  sabbathi,  sicuti  fert  inscriptio:  et  ex  aliis  locis  apparet  quosdam  alios