30:9  9  IN  L  LIB.  SAMUEL.  CAP.  XIII.  10  causam  Saul  absente  Samuele  sacrificare  quodammodo  coactus  est,  quod  tamen  ipsi  nequaquam  licebat.  Quamobrem  etiam  quamcunque  tandem  excusationem  ille  praetexat,  a  Domino  condemnatur,  quod  non  patienter  Dei  mandatum  exspectarit,  neque  illi  se  totum  permiserit.  Nihilominus  tamen  hoc  peccatum  ita  condemnatur,  ut  regii  um  ad  tempus  tandem  prorogetur:  sed  ea  tamen  le^e  ne  sit  diuturna  regni  possessio,  et  ad  posteros  ipsius  non  transeat:  sed  tandem  cum  summa  ignominia  et  dedecore  exauctoretur.  Hic  igitur  in  primis  observandum,  bellum  suscepturos  licet  iustum,  adversus  hostes  iniuriis  lacessentes,  oportere  longius  quam  in  primum  belli  diem  intueri.  Nam  Ionathanus  quidem  et  qui  illum  sunt  comitati  milites  praesentes  et  fortes  animos  habuerunt,  ut  licet  pauci  numero,  et  vix  unus  adversus  mille,  adeo  ut  magnos  reportare  triumphos  nequirent,  tamen  ausi  sint  tam  numerosum  Philistaeorum  exercitum  adoriri:  qua  in  re  neque  Ionathanam?  neque  ipsius  milites  vituperare  possumus:  sed  populum  graviter  peccasse  dicimus.  Nam  facile  ad  tubae  sonitum  et  clangorem  excitus,  ad  pugnam  sese  comparasse  visus  est,  sed  nihil  amplius  cogitasse.  Verum  meminisse  nos  oportet  illius  similitudinis  qua  Dominus  noster  Iesus  Christus  utitur,  inquiens,  oportere  eum  qui  bellum  aliquod  molitur,  sedendo  secum  rationes  belli  omnes  et  sumptus  expendere  antequam  quidquam  aggrediatur.  Ac  sane  facile  est  hostes  lacessere:  sed  cavendum  ne  viribus  illis  impares,  licet  primo  impetu  multa  nobis  polliceamur,  tamen  ad  illorum  conspectum  terreamur,  et  animos  illos  quos  antea  gerebamus  cum  dedecore  deponamus,  et  quum  ad  manum  erit  ventum,  despondeamus.  Nam  fere  fit,  quod  summopere  observandum  est,  ut  qui  ante  conspe^tos  hostes  fortissimi  videbantur,  tandem  instar  ebriosorum  hominum  collabantur.  Solent  enim  bene  poti  homines  magnam  fortitudinem  prae  se  ferre  :  ut  nulla  vi^  esse  maior  posse  videatur,  eo  usque  ut  cornubus  coelum  ipsum  contingere  et  ferire  vede,  et  summis  regibus  et  monarchis  sese  adaequare  minitentur.  Sed  si  perendie  crapulam  exhalarint  omnium  timidissimi  conspiciantur;  aut  si  adhuc  sopiti  excitentur,  in  maximos  terrores  incidant.  Quamobrem  summopere  fugiendos  istiusmodi  turbulentos  impetus  scia  mus,  et  moderandos  affectus  nostros,  ne  ultra  modum  efferamur,  sed  longius  quam  quae  nos  circumstant  intueamur,  nempe  ut  diligenter  inspiciamus  sintne  futuri  consiliorum  nostrorum  exitus  initiis  similes:  quae  licet  initio  favere  nobis  videantur,  cavendum  tamen  ne  parva  quaedam  levisque  felicitas,  ingens  secum  in  posterum  malum  trahat.  De  istis  serio  quotidie  cogitandum,  ut  tanquam  habenis  retineamur,  ne  altius  capita  efferentes,  tanto  foedius  deiiciamur,  et  insigniorem  rui-