3:9  9  AU  ROY  DE  FRANCE  TRESCHRESTIEN,  FRANÇOIS  PREMIER  DE  CE  NOM,  SON  PRINCE  ET  SOUVERAIN  SEIGNEUR,  IEAN  CALVIN,  PAIX  ET  SALUT  EN  NOSTRE  SEIGNEUR1)  IESUS  CHRIST.  Au  commencement  que  ie  m'appliquay  à  escrire  ce  present  livre,  ie  ne  pensoye  rien  moins,  Sire,2)  que  d'escrire  choses  qui  fussent  presentées  à  vostre3)  Maiesté:  seulement  mon  propos  estoit  d'enseigner  quelques  rudimens,  par  lesquels  ceux  qui  seroyent  touchez  d'aucune  bonne  affection  de  Dieu,  fussent  instruits  à  la  vraye  pieté.  Et  principalement  vouloye  par  ce  mien  labeur  servir  à  noz  Francois:  desquels  i'en  voyoye  plusieurs  avoir  faim  et  soif  de  Iesus  Christ,  et  bien  peu  qui  en  eussent  receu  droite  cognoissance.  Laquelle  mienne  deliberation  on  pourra  facilement  appercevoir  du  livre,  entant  que  ie  l'ay  accommodé  à  la  plus  simple  forme  d'enseigner  qu'il  m'a  esté  possible.  Mais  voyant  que  la  fureur  d'aucuns  iniques  s'estoit  tant  eslevée  en  vostre4)  royaume  qu'elle  n'avoit  laissé  lieu  aucun  à  toute  saine  doctrine,  il  m'a  semblé  estre  expedient  de  faire  servir  ce  present  livre,  tant  d'instruction  à  ceux  que  premierement  i'avoye  deliberé  d'enseigner,  qu'aussi  de  confession  de  foy  envers  vous:5)  dont  vous  cognoissiez  quelle  est  la  doctrine  contre  laquelle  d'une  telle  rage  furieusement  sont  enflambez  ceux  qui  par  feu  et  par  glaive  troublent  auiourdhuy  vostre  royaume.  Car  ie  n'auray  nulle  honte  de  confesser