29:9  9  SUR  LE  DEUTER.  CHAP.  XXXII.  io  nous  allions  en  pure  rondeur  et  integrite  devant  luy.  Voila  dono  ce  que  nous  avons  a  retenir  de  ce  passage.  Or  il  est  dit  quant  et  quant:  Puis  que  les  enfans  d'Israel  ont  provoque  Dieu  a  ialousie,  en  celuy  qui  n'estoit  point  dieu,  qu'ils  Vont  irrite  en  leurs  mensonges,  en  leurs  superstitions  qu'ils  ont  forgees:  qu'il  les  irritera  en  un  peuple  qui  n'est  point  peuple,  qu'il  les  incitera  a  ialousie  en  une  nation  qui  n'est  point  nation.  Ici  Dieu  encores  parle  a  la  facon  des  hommes  :  comme  si  un  mari  voit  sa  femme  estre  si  meschante  et  vilaine  qu'il  ne  la  puisse  retenir,  il  dit:  Et  bien,  il  faut  que  ie  la  repudie,  et  pour  luy  faire  plus  grand'  honte,  que  ie  prenne  quelque  chambriere,  et  qu'elle  soit  en  son  lieu,  et  qu'elle  occupe  sa  place.  Si  donc  une  femme  a  este  en  estat  honorable  quand  elle  vivoit  avec  son  mari:  et  apres  qu'elle  s'est  mal  portee,  et  que  le  mari  a  cogneu  qu'elle  est  endurcie  du  tout,  qu'il  la  reiette,  et  la  dessus  qu'il  prenne  quelque  povre  garse  qui  n'estoit  de  nulle  estime,  et  qu'il  se  marie  avec  elle:  la  femme  sera  plus  despittee,  et  sera  plus  faschee:  Comment?  et  faut-il  que  celle-la  occupe  maintenant  mon  lieu?  que  ie  soye  deboutee,  qu'un  chacun  me  monstre  au  doigt,  et  que  i'aye  ici  la  vergongne  et  l'infamie  de  tout  le  monde?  Voila  donc  comme  ce  passage  doit  estre  entendu:  car  Dieu  declare:  Comment?  Ils  m'ont  provoque  a  ialousie  en  celuy  qui  n'estoit  point  dieu.  Ie  suis  le  Dieu  vivant,  et  outre  cela  ie  doy  bien  estre  tenu  pour  leur  pere,  d'autant  que  ie  me  suis  declare  envers  eux,  que  i'ay  monstre  combien  ie  les  aimoye  quand  ie  les  ay  preferez  a  toutes  nations  du  monde  :  et  la  dessus  ils  ont  controuve  des  idoles.  Or  il  n'y  a  qu'un  seul  Dieu:  quand  donc  les  hommes  s'en  destournent,  il  faut  qu'ils  se  forgent  des  idoles  a  leur  fantasie.  Ils  m'ont  donc  provoque  a  ialousie  en  celuy  qui  n'estoit  point  dieu.  Et  puis  il  adiouste  leurs  vanitez.  Comme  s'il  disoit:  Quand  on  regardera  quelles  sont  leurs  superstitions,  sur  quoy  elles  sont  fondees,  on  trouvera  qu'il  n'y  a  que  mensonge  et  tromperie.  Or  ils  m'ont  provoque  (dit-il)  en  cela:  aussi  maintenant  i'auray  ma  revenge,  car  ie  les  provoqueray  en  un  peuple  qui  n'est  point  peuple,  et  en  celuy  qui  n'est  point  nation,  c'est  a  dire,  qui  n'est  point  repute  estre  rien  qui  soit.  Ie  prendray  donc  de  ces  peuples  qui  ne  sont  maintenant  de  nulle  estime,  et  les  mettray  en  ce  degre  d'honneur  ou  estoyent  auparavant  ces  ingrats  qui  ont  ainsi  abuse  de  l'amour  paternelle  que  ie  leur  portoye.  Or  ceci  n'est  pas  advenu  du  premier  coup,  mais  il  a  este  accompli  quand  l'Evangile  a  este  espandu  par  tout  le  monde.  Il  est  vray  qu'en  partie  desia  Dieu  a  donne  quelques  signes  de  ces  choses,  quand  ii  a  esleve  les  Assyriens,  et  les  Caldeens  par  dessus  ceux  qui  se  vantoyent  d'estre  la  lignee  saincte,  et  la  sacrificature  royale:  mais  tant  y  a  que  ceste  sentence  n'a