28:9  9  SUR  LE  DEUTER.  CHAP.  XXII.  10  au  double,  voire  cent  fois  plus?  Voila  Dieu  qui  declare  que  nous  luy  appartenons,  que  nous  sommes  son  heritage.  Or  maintenant  ie  verray  un  povre  homme  qui  s'esgare,  ainsi  comme  s'il  estoit  une  beste  perdue,  et  que  Dieu  fust  frustre  de  son  droict,  que  sa  possession  diminuast  d'autant.  Il  est  vray  que  nous  ne  le  pouvons  pas  enrichir:  mais  tant  y  a  qu'il  a  monstre  combien  nous  luy  sommes  chers,  quand  il  nous  a  rachetez  par  le  sang  de  nostre  Seigneur  Iesus  Christ.  Ie  voy  donc  la  possession  de  Dieu  qui  s'en  va  ruiner,  et  ie  n'en  tien  conte:  cela  est  perdu  quant  a  luy  par  ma  faute:  quelle  excuse  y  aura-il?  Et  ainsi  notons  bien  que  si  nous  devons  maintenir  le  bien  des  hommes  mortels,  a  cause  que  Dieu  a  ordonne  qu'il  y  ait  loyaute  mutuelle  entre  nous,  qu'il  faut  bien  que  nous  taschions  de  procurer  que  Dieu  demeure  en  son  estat  entier,  et  que  ce  qui  est  de  sa  maison  ne  s'appetisse  point,  c'est  a>  dire,  de  son  Eglise:  mais  que  le  tout  luy  soit  conserve.  C'est  ce  que  nous  avons  a  retenir  de  ce  passage.  Or  Moyse  adiouste:  Encores  qu'il  y  eust  plus  de  peine,  qu'il  s'y  faut  employer.  Car  combien  que  ie  soye  incogneu  a  celuy  qui  aura  ainsi  une  beste  esgaree,  et  qu'il  ne  soit  point  mon  voisin:  si  est-ce  que  la  beste  ne  doit  point  perir  par  ma  negligence,  que  ie  la  doy  ramener,  afin  qu'elle  ne  tombe  point  en  mauvaise  main:  voire,  et  que  ce  "soit  a  ceste  intention  de  la  restituer  au  maistre.  Ici  nous  voyons  que  ce  n'est  point  assez  (comme  i'ay  desia  touche)  de  nous  abstenir  de  toute  malice:  mais  il  nous  faut  employer  pour  nos  prochains,  comme  nous  voudrions  qu'on  le  fist  pour  nous:  quand  il  nous  faudra  prendre  quelque  peine,  quelque  solicitude  pour  le  bien  d'autruy,  que  cela  ne  nous  empesche  point  de  nous  acquitter  de  nostre  devoir.  Si  nous  allegons:  Dequoy  y  suis-ie  tenu?  Qu'est-ce  qu'il  m'a  fait?  Il  n'est  point  question  de  regarder  a  l'homme,  s'il  m'a  fait  quelque  service,  et  que  ie  luy  doy  recompenser:  et  pource  que  desia  il  m'a  prevenu,  que  ie  luy  rende  la  pareille.  Nenni.  Qu'il  me  suffise  que  Dieu  veut  estre  recogneu  en  tout  cela.  Et  ainsi,  nous  ne  devons  point  regarder  les  personnes,  pour  dire  que  nous  ne  les  cognoissons  point:  mais  c'est  assez  que  Dieu  nous  dise:  Encores  que  les  gens  vous  soyent  incogneus,  si  faut-il  que  vous  preniez  peine  a  leur  conserver  leur  droict  et  leur  substance.  Car  ie  veux  que  les  hommes  ayent  ce  lien  entre  eux,  et  qu'ils  soyent  ainsi  conioints,  et  qu'un  chacun  se  rende  detteur  volontaire:  combien  qu'on  ne  vous  pourroit  point  amener  devant  la  iustice  terrienne,  pour  vous  y  contraindre,  tant  y  a  qu'un  chacun  doit  estre  induit  a  cela,  et  que  vous  cognoissiez  que  ie  veux  qu'on  exerce  telle  charite  entre  vous.  Voila  donc  quant  a  ce  poinct-la,  ou  il  est  dit  que  si  l'homme  n'est  pas  prochain,  et  mesmes  qu'il