27:9  9  SUR  LE  DEUTER.  CHAP.  X.  10  tract  solennel  que  Dieu  passe.  Mais  cependant  il  nous  faut  aussi  venir  a  la  figure:  que  la  Loy  a  este  ainsi  escrite  en  des  pierres,  pour  monstrer  que  ce  n'estoit  pas  tout  que  ceste  doctrine  fust  donnee,  et  que  le  peuple  ^entendist,  iusques  a  ce  qu'elle  luy  fust  engravee  au  coeur:  car  il  nous  faut  venir  a  la  similitude  qui  a  este  donnee  par  les  Prophetes.  Combien  donc  que  Dieu  ait  monstre  sa  Loy  estre  authentique,  quand  il  a  voulu  qu'elle  fust  ainsi  gravee  en  pierres:  si  est-ce  qu'il  a  declaire  que  cela  ne  profitoit  rien:  voire,  car  les  vrayes  tables  ou  il  nous  faut  escrire  la  doctrine  de  Dieu,  ce  sont  nos  coeurs,  et  nos  coeurs,  non  point  tels  que  nous  les  avons  de  nature.  Car  quels  sont-ils?  de  pierre,  comme  il  en  est  parle  en  Ezechiel.  Ainsi  notons  que  la  lettre  de  la  Loy  n'est  rien,  iusques  a  tant  que  Dieu  besongne  par  son  S.  Esprit.  Et  voila  pourquoy  il  a  promis  de  contracter  alliance  nouvelle  non  point  a,  la  facon  qu'il  avoit  tenue  envers  les  peres:  car  cela  n'a  point  dure,  dit-il.  Et  pourquoy?  Il  monstre  que  le  vice,  et  la  coulpe  en  est  aux  hommes,  d'autant  qu'ils  se  destournent  et  se  desbauchent  incontinent  apres  que  Dieu  les  a  appellez,  et  n'y  a  point  de  suyte:  encores  qu'ils  facent  semblant  de  priser  beaucoup  sa  grace,  si  estce  qu'il  n'y  a  nulle  constance,  mais  plustost  toute  legierete:  car  ils  se  destournent  incontinent  apres  leurs  meschantes  affections.  L'alliance  de  Dieu  donc,  cependant  qu'elle  a  este  escrite  en  pierres,  n'a  point  tenu.  Et  pourquoy?  Non  point  que  Dieu  ne  soit  demeure  fidelle  de  son  coste,  et  qu'il  n'ait  persiste,  pour  monstrer  que  ce  n'est  point  en  vain  qu'il  avoit  choisi  la  lignee  d'Abraham:  mais  eux  par  leur  desloyaute  ont  este  privez  et  bannis  d'un  tel  bien,  et  ont  este  despouillez  de  ceste  benediction  gratuite  de  Dieu.  Et  ainsi  il  est  besoin  que  Dieu  parle  a  nous  d'une  autre  facon:  c'est  que  non  seulement  il  escrive  sa  Loy  de  sa  propre  main  en  des  pierres,  mais  qu'il  l'escrive  en  nos  coeurs,  c'est  a  dire,  nous  ayant  donne  des  coeurs  de  chair  qui  soyent  mois  et  ployables,  qu'ils  recoivent  l'engravoure  qu'il  mettra  en  nous,  apres  avoir  corrige  ceste  durte  qui  y  est  de  nature.  Voila  donc  ce  que  nous  avons  a  retenir  quand  nous  voudrons  faire  nostre  proffit  de  ceste  histoire  presente:  c'est  que  si  Moyse  a  confesse  qu'il  estoit  oblige  tant  et  plus  a,  son  Dieu,  de  la  grace  qu'il  avoit  faite  au  peuple:  que  maintenant  nous  devons  bien  sentir  comme  Dieu  a  desploye  les  thresors  de  sa  bonte  envers  nous.  Car  nous  n'avons  pas  este  seulement  maudits  de  nature:  mais  apres  qu'il  nous  avoit  adoptez,  nous  l'avons  renonce,  nous  ne  l'avons  point  tenu  pour  nostre  pere:  et  tanty  a  qu'encores  nous  a-il  tendu  la  main,  et  nous  a  remis  en  nostre  estat  premier:  et  non  seulement  il  nous  a  remis  en  sa  grace  pour  nous  presenter  sa  parolle,  afin  que