26:9  9  SUR  LE  DEUTER.  CHAP.  II.  io  soyons  esmeus,  qu'il  y  ait  quelque  lien  qui  nous  conioigne,  que  nature  nous  induise  a  estre  humains  les  uns  envers  les  autres,  et  qu'il  nous  retienne  aussi  a  ce  que  nous  ne  facions  ne  tort  ni  iniure  a  nul  qui  soit.  Vray  est  qu'il  n'y  aura  point  de  parentage  charnel  entre  tous  hommes,  pour  estre  si  prochains,  qu'ils  puissent  dire  cousins,  et  qu'ils  se  puissent  nommer  de  quelque  lignee  de  laquelle  ils  soyent  descendus:  mais  si  est-ce  qu'il  y  a  encores  quelque  communaute  en  general,  que  tous  hommes  doivent  penser  qu'ils  sont  formez  a  l'image  de  Dieu,  qu'ils  ont  une  nature  commune  entre  eux.  Et  les  Payens  ont  bien  cognu  cela.  Ainsi  donc  quand  nous  n'aurons  quelque  discretion  pour  nous  maintenir  en  paix  et  concorde,  pour  rendre  le  droit  a  un  chacun,  sans  ravir  le  bien  d'autruy,  sans  faire  aucune  extorsion  ni  excez:  nous  pervertissons  l'ordre  de  nature,  nous  sommes  pires  que  les  bestes  sauvages  qui  s'entrecognoissent  quand  elles  sont  d'une  espece.  Oar  les  loups  ne  se  font  pas  tant  la  guerre,  que  font  les  hommes.  Et  ainsi  apprenons,  encores  qu'il  n'y  ait  point  de  lignage  prochain  entre  nous:  toutesfois  estans  hommes  nous  devons  avoir  quelque  lien  de  communaute,  nous  devons  avoir  quelque  amour  fraternelle.  Mais  il  y  ha  une  autre  consideration  entre  les  Chrestiens:  car  ils  sont  adoptez  de  Dieu,  afin  de  vivre  en  sa  maison.  Et  cela  doit  plus  valloir  que  tout  parentage  terrestre.  Car  quand  Dieu  nous  declaire,  qu'il  nous  veut  recueillir  a  soy,  pource  qu'estans  de  son  Eglise,  nous  sommes  comme  ses  propres  enfans,  en  parlans  comme  d'une  bouche,  nous  disons:  Nostre  pere:  et  cependant  que  nous  soyons  comme  chiens  et  chats,  cela  se  peut-il  nullement  comporter,  voire,  attendu  que  nous  ne  le  pouvons  pas  reclamer  nostre  pere,  que  nous  ne  soyons  gouvernez  par  son  8.  Esprit?  Car  il  faut  que  son  Esprit  crie  en  nos  coeurs,  ou  nous  aurons  la  bouche  close.  Et  d'autre  coste,  a  quel  titre  pouvons-nous  avoir  un  tel  bien  et  honneur,  d'estre  enfans  de  Dieu,  si  nous  ne  sommes  membres  de  Iesus  Christ?  Or  nous  ne  sommes  point  de  son  corps,  sinon  a  ce  titre  que  i'ay  dit.  Quiconques  donc  outrage  son  prochain,  quiconques  n'ha  nulle  humanite  ne  pitie,  quiconques  ne  demande  qu'a  ravir,  et  a  attraper  de  toutes  pars,  celuy-la,  entant  qu'en  luy  est,  deschire  Iesus  Christ  par  pieces.  Et  ainsi  notons  bien  quand  Dieu  met  en  avant  le  parentage,  que  nous  sommes  advertis  de  penser  en  quel  degre  Dieu  nous  a  establis,  et  quelle  union  il  a  mise  entre  nous,  et  que  chacun  s'en  acquitte  fidellement,  afin  que  nous  ne  facions  point  un  desordre  confus,  la  ou  Dieu  nous  aura  mis  ensemble  pour  nous  maintenir  en  bonne  paix  et  amour.  Voila  pour  un  item.  Mais  si  nous  considerons  la  pratique,  comme  il  semble  que  les  hommes  ayent  conspire  de  faire  tout  au  rebours  de  ce  que  Dieu