18:9  9  1560  IANUAR.  IO  rimus  toto  fere  anno.  Neque  enim  ullo  colore  iuris  sed  mera  superbia  in  nos  grassati  sunt.  Tandem  blandissimis  monitionibus  atque  etiam  obsequiis  flexi  aliquod  mansuetudinis  signum  dederunt.  Nam  scripserunt  venturos  esse  legatos  qui  votis  nostris  satisfacerent.  Venerunt  illi.  Magna  promissionum  liberalitas.  Ubi  congrediendum  fuit  excusabunt:  sibi  nihil  esse  mandatum.  Biduo  antequam  appelleret  Prevotius  noster  exspectabantur  legati.  Apparet  ergo  fuisse  tempus  captatum  quo  nos  circumvenirent.  Nam  de  controversiis  omnibus  se  iam  descendere  paratos  esse  ad  amicam  pacificationem  per  legatos  indicarunt.  Conditiones  interea  perplexae  dubiae  et  ambagibus  refertae.  Negant  quidquam  sibi  fore  ratum  nisi  sententia  Basiliensis  arbitri  abolita,  quod  nullo  modo  concedi  potest.  Verum  quia  nostros  hortati  sunt  ad  legationem  mittendam,  quae  Helvetiis  in  conventu  libertatem  et  tranquillum  huius  urbis  statum  commendet,  neque  foedus  ullum  sanciant  cum  Sabaudo,  nisi  interposita  exceptione  ut  caveatur  nobis  et  nostrae  securitati:  id  libenter  concessum  fuit.  Imo  decretum  ante  fuerat.  Astute  autem,  quum  nos  haberent  suspectos,  detegere  quo  essemus  animo  voluerunt,  vel  si  qua  esset  cunctatio  et  mora,  ut  illis  plausibilis  esset  excusatio,  si  forte  cum  Sabaudo  in  iacturam  nostram  transigerent.  Mittentur  ergo  legati  Badenas.4)  Nunc  a  clarissimo  senatu  vestro  et  consilium  et  favor  expetuntur.  Ad  senatum  scribere  non  erat  consentaneum  rationi.  Mandata  igitur  ad  privatos  amicos  data  sunt  Prevotio,  quae  apud  omnes  valeant  quatenus  res  tulerit.  Pluribus  verbis  te  et  optimum  fratrem  nostrum  Gdiherum  non  urgebo,  ut  in  cursu  sancti  officii  tam  feliciter  incepto  pergatis:  quando  ex  fratris  et  amici  nostri  relatu  cognosco  quam  sitis  voluntarii.  Et  ipse  pro  sua  dexteritate  plus  quam  literis  consequi  possim  praestabit.  Vale  igitur,  eximie  vir  et  observande  frater,  una  cum  D.  Petro  Martyre,  D.  Galthero  et  reliquis  collegis.  Dominus  vos  omnes  tueatur,  spiritu  suo  regat  et  locupletet  omni  benedictionum  genere.  Genevae  25.  Ianuarii  1560.  Iohannes  Calvinus  tuus.  4)  Negotium  usque  in  autumnum  protractum  est  (Buchat  VI.  356.)