15:9  9  1554  IANUAR  10  Gregoire  et  aultres  semblables  docteurs  de  leglise  antichrestienne  defendue  du  Seigneur  avec  la  doctrine  des  Apostres  et  des  Prophetes  :  ils  enseignent  mal  le  peuple  et  font  forniquer  leglise  en  abomination,  devant  le  seigneur  nostre  Dieu:  Car  come  enfans  dAaron,  contre  la  volonte  du  Seigneur,  ils  apportent  du  feu  estrange  au  tabernacle  de  nostre  Dieu,  quest  en  son  eglise,  laquelle  est  et  doibt  estre  tabernacle  du  sainct  esprit.  Secondairement.  Tous  ministres  dicelles  eglises  lesquels  ne  reprennent  le  peuple  a  eus  commys,  avec  tous  moyens  et  voyes  possibles,  premierement  en  esprit  de  benignite  exortative,  adduisant  les  passaiges  de  la  saincte  escripture  a  ce  necessaires,  et  appres  durement  avec  toute  increpatione  affin  quil  ait  a  reffrener  la  pompe  et  superfluite  des  vestimentes,  specialement  lornement  des  femmes.  Et  aussi  qui  nadmonestent  point  iceus  chrestiens  de  leur  cure  quils  soient  contens  dun  sobre  vivre,  et  non  rechercher  abus  dabondance,  et  trop  estiude  des  viandes  :  Ceus  icy  avec  Aaron  consentent  quiceluy  peuple  de  nouveau  drece  et  adore  le  veau  auree:  et  ne  dissentent  point  que  le  peuple  de  Dieu  retourne  la  menger  la  chair  Egiptienne.  Tiercement:  Quiceuls  ministres  enseignent  mal  ioraison  du  Seigneur  laissant  ce  que  principalement  se  doibt  demander  du  Pere  celeste.  Quartement:  Que  les  dicts  ministres  nentendent  point  toute  la  saincte  escripture  au  vray  et  pur  sens,  avec  lequel  elle  doibt  estre  entendue.  Car  ils  ne  demandent  point  iceluy  vray  sens  en  toute  humilite  au  Seigneur.  Et  pour  ce  quils  donnent  encore  aureilles  au  serpent  seduisant,  qui  recherchent  avoir  aultre  docteur  que  Christ  Iesus  fils  de  Dieu,  ne  cheminant  point  en  toute  sincerite  de  coeur,  come  est  requis  au  devant  de  sa  Mageste  eternel  e.  Quintement:  nous  disons  que  les  livres  des  Macabees  et  quattre  espistres  quon  dict  estre  des  Apostres  et  ne  le  sont  point:  une  de  Iaques,  deus  de  Iohan  la  2  me  et  3eme  et  celle  de  Iude  ces  cinq  ne  debvoir  point  estre  receus  ne  receues  aus  sainctes  escriptures,  car  ils  et  elles  ne  sont  point  dictes  du  sainct  esprit,  mays  du  tout  doibvent  estre  remous  et  remoues  come  contraires  a  la  parole  du  Seigneur,  mectant  dubitation,  et  non  ediffiant  leglise  de  Dieu.  Sextement.  Ie  dys  que  le  Seigneur  Iesus  Christ,  par  grace  bonte  et  misericorde  sienne,  et  non  pour  aulcuns  mes  merites,  mais  par  sa  seule  seurabondante  charite,  est  apparu  a  moy  son  moindre  serve:  et  que  iay  ouv  j  au  mont  la  voix  du  Seigneur  nostre  Dieu:  et  par  troys  foys  visiblement  avoir  veu  iceluy  Seigneur  Iesus  en  forme  dhome  corporale  mais  diverse  ne  le  congnoissant  point  iusque  a  ce  quil  estoit  dispareu,  Septiesmement  et  dernierement  je  dis:  que  les  d  eus  tables  par  moy  escriptes  de  la  loy  evangelique,