10.1:9  ORDONNANCES.  nous  par  nostre  negligence  veuz  que  sainct  Paul  denunce  vne  si  grosse  vengance  sur  ceux  qui  traicteront  ce  sacrement  jndignement.  Il  fault  doncq  que  ceux  qui  ont  la  puissance  de  fayre  ceste  police  mettent  ordre  que  ceux  qui  viennent  en  ceste  communication  soyent  comme  approuuez  membres  de  Iesuehrist.  Pour  ceste  cause  nostre  Seigneur  a  mise  en  son  eglise  la  correction  et  discipline  dexcommunication  par  laquelle  jl  az  voullu  que  ceux  1)  qui  seroyent  de  vie  deordonnee  et  jndigne  dung  crestien,  et  qui  mespriseroyent  apres  auoyr  estes  admonestez  de  venir  a  amandemant  et  se  reduire  a  la  droicte  voye  fussent  deiectez  du  corps  de  lesglise  et  quasi  comme  membres  pourris  couppez  jusques  a  ce  quil  revinssent  a  resipiscence  recognoyssant  leur  faulte  et  paourete.  Ceste  maniere  de  correction  a  este  commandee  du  Seigneur  a  son  esglise  au  18  de  S.  Matthieu.  Nous  en  debuons  doncq  user  si  nous  ne  mesprisons  le  commandement  qui  nous  en  est  donne.  Nous  en  auons  lexemple  en  S.  Paul  1.  Timoth.  1  et  1.  Corinth.  5  auecq  griefue  denunciation  que  nous  nayons  a  hanter  aulcunemant  auecq  ceux  qui  se  diront  crestiens  et  neantmoins  seront  notoyrement  paillars,  auaricieux,  jdolatres,  maldisans  ou  yurongnes  adonnes  a  rapines.  .  Pourtant  sil  y  a  quelque  craincte  en  nous  de  Dieu  jl  fault  que  ceste  ordonnance  aye  lieu  en  nostre  esglise.  Encores  les  raysons  mesmes  surquoy  elle  est  fondee  et  les  fruicts  qui  en  prouiennent  nous  deburoyent  esmouuoyr  a  en  vser  quant  jl  ny  auroyt  pas  si  expres  commandement.  Cest  premierement  que  Iesuehrist  nest  pas  blaspheme  et  deshonore  comment  si  son  eglise  estoyt  vne  conjuration  de  gens  peruers  et  dissoluz  en  tous  vices.  Secondement  que  ceulx  qui  recoipuent  telle  correction,  ayans  honte  et  confusion  de  leur  peche  viennent  a  se  recognoestre  et  se  amender.  Tiercement  que  les  aultres  ne  sont  pas  corrumpuz  et  peruertis  de  leur  conuersation  mays  plustost  par  leur  exemple  sont  aduertiz  de  ne  cheoyr  en  pareilles  faultes.  Ceste  usance  et  praticque  a  dure  anciennement  quelque  temps  en  lesglise  auecq  singuliere  vtilite  et  aduancemant  de  la  crestiente,  jusques  a  ce  que  aulcungs  meschans  evesques  ou  plustost  brigans  tenans  places  deuesque  lont  tournee  en  tirannye  et  en  ont  abuse  a  leurs  mauuayses  cupidites.  Tellement  que  cest  aujourduy  lune  des  choses  les  plus  pernicieuses  et  mauldictes  quon  voye  au  royaulme  du  pape  que  lexcommunication,  combien  que  ce  soyt  vne  des  choses  des  plus  prouffitables  et  salutayres  que  ayt  donne  nostre  Seigneur  a  son  esglise.  Or  ceste  faulte  est  aduenue  par  ce  que  les  pseudos  euesques  ont  rauy  a  lassemble  des  fideles  1)  Gaberel  ornet:  que  ceux.