46:899  899  SERMONS  90G  extorsions.  Quand  donc  ils  se  glorifient  en  cela,  c'est  comme  en  despitant  Dieu.  Celuy  qui  aura  rapine  de  toutes  parts,  dira,  l'ay  du  bien:  et  voyla  le  sang  du  povre  peuple  qu'il  a  succe.  Il  dira,  Ie  l'ay  acquis.  Et  comment?  Par  fraudes,  meschantes  prattiques,  pillant  l'un,  gourmandant  l'autre,  et  ayant  perverti  tout  ordre.  L'autre  par  ambition  et  par  moyens  illicites  sera  parvenu  a  quelque  dignite:  et  la  dessus  il  voudra  estre  redoutable.  Et  c'est  manifestement  despiter  Dieu.  Apprenons  donc  (comme  i'ay  desia  dit)  de  nous  glorifier  en  ce  que  Dieu  approuve.  Il  est  vray  qu'encores  qu'il  y  ait  du  bien  en  nous,  il  n'est  pas  licite  d'usurper  la  louange  que  Dieu  se  reserve,  et  dont  il  luy  faut  faire  hommage,  d'autant  qu'il  nous  a  tout  donne.  Il  n'est  donc  pas  question  yci  de  nous  glorifier,  comme  si  ce  que  Dieu  nous  donne,  nous  appartenoit.  Mais  ie  di  qu'il  nous  faut  glorifier  seulement  en  ce  qu'il  a  pleu  a  Dieu  nous  adopter  pour  ses  enfans,  et  d'autant  qu'il  nous  fait  la  grace  de  cheminer  en  sa  crainte,  d'autant  qu'il  nous  donne  vertu  pour  nous  abstenir  du  mal.  Voyla  en  quoy  il  nous  faut  glorifier.  Et  puis,  si  nous  sommes  petis  et  contemptibles  selon  le  monde,  prions  le  qu'il  nous  donne  patience,  et  que  nous  aimions  mieux  estre  en  tel  estat,  que  d'estre  eslevez,  et  cependant  nous  esiouir  comme  font  les  gens  mondains,  qui  s'egayent  en  telle  sorte  qu'il  n'y  a  plus  rien  qui  les  puisse  retenir.  Voyla  en  somme  comme  nous  avons  a.  nous  glorifier:  c'est  que  nous  ne  veuillions  point  estre  plus  que  Dieu  ne  nous  permet,  et  que  nous  despitions  tout  ce  qu'il  reprouve,  combien  que  le  monde  applaudisse  a  ceux  qui  exercent  tyrannie  et  qui  se  desbordent  a  tout  mal.  Que  nous  quittions  donc  facilement  et  de  nostre  bon  gre  toutes  telles  gloires,  ne  cherchans  autre  chose  sinon  d'estre  recognus  et  advouez  devant  Dieu  pour  ses  enfans.  Voyla  en  somme  ce  que  nous  avons  a  retenir  encores.  Or  pour  conclusion  il  est  dit,  que  Pilate  voyant  qu'il  ne  proufitoit  rien,  et  que  le  peuple  styscarrnouchoit  de  plus  en  plus,  lave  ses  mains  et  dit,  Ie  suis  innocent  du  sang  de  cest  homme.  Nous  avons  desia  declare  qu'il  faloit  que  l'integrite  de  nostre  Seigneur  Iesus  fust  approuvee,  et  qu'elle  eust  son  tesmoignage  par  la  bouche  du  iuge  mesme.  Car  quand  il  est  dit  que  Iesus  Christ  a  souffert  sous  Ponce  Pilate,  et  qu'il  a  este  condamne,  ce  n'est  point  assez  d'avoir  entendu  l'histoire:  mais  il  nous  faut  quant  et  quant  cognoistre  que  Iesus  Christ  non  seulement  est  innocent,  mais  qu'il  est  la  fontaine  de  toute  sainctete  et  perfection.  Et  comment  donc  est-il  condamne?  Ii  y  a  yci  deux  choses  diverses,  ce  semble.  Il  est  dit  qu'il  est  l'Agneau  de  Dieu  sans  macule:  et  d'autant  qu'il  est  Agneau  de  Dieu,  il  faut  qu'il  soit  condamne  pour  sacrifice.  Ce  mot