46:897  897  DE  LA  PASSION.  898  nous  monstre,  qu'on  leur  allegue  sa  Parolle,  qu'on  leur  veuille  approuver  ce  qu'ils  reiettent:  Ce  leur  est  bien  tout  un,  ils  bouschent  les  aureilles,  ils  bandent  les  yeux,  ils  sont  preoccupez  en  tous  leurs  sens,  et  y  a  un  tel  orgueil,  qu'il  n'est  point  question  de  donner  nulle  audience:  car  il  leur  plaist  ainsi:  Nous  l'avons  ordonne  (disent-ils)  et  ainsi  il  faut  qu'il  s'execute.  Voire?  Et  cependant  voyci  Pilate  qui  n'avoit  iamais  ouy  un  seul  mot  de  la  doctrine  de  Dieu,  mesmes  la  Loy  luy  estoit  en  desdain,  tellement  que  tout  ce  que  font  les  Iuifs,  il  le  tient  pour  une  chose  controuvee,  et  adore  ses  idoles:  cependant  si  est-ce  que  le  nom  de  Dieu  le  touche,  et  qu'il  en  est  retenu  quand  on  en  parle.  Et  est*ce  pour  quelque  maieste,  ou  quelque  pompe  qu'il  voye  en  Iesus  Christ?  Nenni:  il  n'y  a  que  le  nom  de  Dieu  qui  le  sollicite  a  reverence.  Combien  donc  il  y  en  a-il  qui  seront  condamnez  par  ceste  crainte  de  Pilate,  quand  ils  poursuyvent  leur  train  accoustume,  et  qu'on  ne  peut  rien  gaigner  envers  eux,  combien  qu'on  leur  propose  le  nom  de  Dieu,  et  qu'on  ne  leur  dise  pas  seulement  comme  un  mot  en  passant,  mais  qu'on  s'offre  a  les  enseigner,  et  a  leur  monstrer  au  doigt  les  tesmoignages  de  l'Escriture?  S'il  ne  daignent  pas  y  penser,  n'y  adiouster  aucune  diligence,  ne  faut-il  pas  que  le  diable  les  possede  du  tout,  et  qu'ils  donnent  a  cognoistre  qu'ils  sont  comme  monstres,  qui  ont  aboli  toute  semence  de  religion,  d'autant  qu'ils  se  sont  obstinez  a  l'encontre  de  Dieu,  comme  despitant  toute  nature?  Voyla  donc  ce  que  nous  avons  a  retenir.  Or  quoy  qu'il  en  soit,  a  l'opposite  aussi  nous  voyons  que  toutes  les  craintes  qu'auront  les  hommes,  et  tout  ce  qu'ils  auront  de  sentiment  et  apprehension  pour  honorer  Dieu,  ne  sera  que  comme  un  esclair  qui  voie  a  travers  des  yeux,  et  incontinent  s'esvanouit.  Car  comment  est-ce  que  Pilate  a  craint  Dieu?  nous  voyons  que  cela  ne  le  retient  point,  qu'il  ne  monstre  une  fierte  si  grande,  qu'il  luy  semble  que  Dieu  n'est  plus  rien.  Voyla  donc  comment  tous  ceux  qui  ne  sont  point  gouvernez  par  l'Esprit  de  Dieu,  auront  d'un  coste  quelques  frayeurs  dont  ils  seront  saisis,  tellement  qu'ils  s'humilieront  par  fois  devant  Dieu:  mais  cependant  ils  ne  laissent  pas  de  lever  les  cornes,  et  puis  apres  s'oublier,  et  eslourdir  leurs  consciences  pour  mal  faire.  Comme  nous  voyons  en  Pharao  que  quelquesfois  il  est  bien  estonne  :  Et  priez  Dieu  pour  moy,  dit-il.  Et  quand  il  voit  la  vertu  de  Dieu  si  apparante:  Ho,  c'est  le  doigt  de  Dieu,  dit-il,  il  s'y  faut  assuietir.  Mais  tantost  apres  pis  que  iamais.  Ainsi  donc  a-il  este  de  Pilate.  Or  ceci  nous  admonneste  de  n'avoir  point  des  craintes  de  Dieu  qui  soyent  comme  bouffees:  mais  d'en  avoir  une  bonne  racine  qui  demeure  ferme  en  nos  coeurs.  Car  comment  est-ce  que  Pilate  a  craint  Dieu?  C'a  este  seulement  pour  se  Calvini  opera.  Vol  XLVI.