46:895  895  SERMONS  896  voyons  que  Dieu  envoye  esprit  de  tourbillon,  et  de  phrenesie  sur  tous  les  meschans,  tellement  qu'ils  se  contredisent,  et  sont  comme  vagues  qui  se  batent  l'une  contre  l'autre:  ainsi  le  diable  a  este  transporte  quand  il  a  tasche  d'abolir  la  memoire  de  nostre  Seigneur  Iesus  d'un  coste,  et  puis  cependant,  il  a  voulu  empescher  la  redemption  du  genre  humain.  Mais  Dieu  a  tellement  besongne,  qu'il  a  voulu  que  l'innocence  de  son  Fils  eust  tesmoignage  par  la  propre  bouche  du  iuge:  et  cependant  aussi  il  a  voulu  neantmoins  qu'il  mourust  afin  de  faire  le  sacrifice  de  nostre  salut  et  redemption.  Dieu  n'ha  qu'une  seule  volonte  et  simple,  mais  elle  nous  est  admirable,  et  il  ha  ses  facons  de  proceder  si  estranges,  qu'il  nous  faut  yci  baisser  les  yeux  et  cependant  cognoistre  que  nostre  Seigneur  Iesus  a  souffert,  non  point  a  l'appetit  des  hommes,  mais  pource  qu'il  faloit  que  nous  eussions  un  tel  gage  de  l'amour  infinie  de  nostre  Dieu,  et  que  Iesus  Christ  nous  le  deciarast,  pour  monstrer  combien  nos  ames  luy  sont  precieuses,  et  combien  le  salut  d'icelles  luy  est  cher.  Que  donc  nous  considerions  toutes  ces  choses.  Au  reste,  il  est  dit  en  la  fin  par  S.  Iehan,  combien  que  Iesus  Christ  eust  este  fouette,  que  le  peuple  s'efforce  encore  plus  de  crier  qu'on  le  mette  a  mort.  Alors  Pilate  reitere  encores:  voire  pour  ce  qu'il  oyait  que  Iesus  s'estoit  fait  Fils  de  Dieu,  et  que  ceste  parolle-la  le  touche,  et  qu'il  en  est  plus  effraye  qu'auparavant.  Et  voyla  pourquoy  il  luy  demande:  D'ou  es-tu?  Et  quand  lesus  Christ  ne  respond  point:  Et  ne  scais-tu  pas  (dit-il)  que  i'ay  puissance  de  t'absoudre  ou  de  te  condamner?  Or  yci  nous  voyons  pourquoy  les  Iuifs  intentent  une  telle  accusation  contre  nostre  Seigneur  Iesus  Christ.  Vray  est  que  le  crime  qui  pouvoit  plus  esmouvoir  le  Gouverneur  du  pays,  estoit  de  s'estre  attribue  royaume  et  empire:  mais  quand  ils  voyent  que  leur  malice  est  descouverte,  et  que  Pilate  entend  bien  que  ce  ne  sont  que  mensonges  controuvees,  la  dessus  ils  disent,  nous  avons  la  loy  par  laquelle  il  doit  mourir.  Car  cela  leur  avoit  este  reserve  de  privilege,  afin  qu'ils  ne  debatissent  point  pour  la  religion.  Car  les  Romains  qui  estoyent  gens  profanes,  et  qui  servoyent  a  leurs  idoles  seulement  par  ceremonie,  vouloyent  maintenir  leur  empire  par  ce  moyen  qu'un  chacun  fist  selon  sa  devotion.  Or  la  dessus  ils  disent,  il  s'est  fait  Fils  de  Dieu,  et  pourtant  il  a  blaspheme.  Il  est  vray  que  si  nostre  Seigneur  Iesus  n'eust  este  le  Redempteur  du  monde,  ceci  le  rendoit  coulpable  de  mort,  de  se  faire  Fils  unique  de  Dieu:  car  nous  sommes  tous  enfans  de  Dieu,  quand  il  nous  a  adoptez  par  sa  grace:  et  c'est  le  style  commun  de  l'Escriture  saincte.  Ceux  qui  ont  receu  quelque  grace  speciale,  encores  appelez  Fils  de  Dieu  d'une  autre  facon,  comme