9:893  893  ORATIONES.  894  quand  Dieu  m'aura  retire:  car  encores  que  ie  ne  sois  rien,  si  scay-ie  bien  que  i'ay  empesche  trois  mille  tumultes  qui  eussent  este  en  Geneve.  Mais  prenez  courage  et  vous  fortifiez,  car  Dieu  se  servira  de  ceste  Eglise  et  la  maintiendra,  et  vous  asseure  que  Dieu  la  gardera.  Pay  eu  beaucoup  d'infirmites  lesquelles  il  a  fallu  qu'ayez  supportees,  et  mesmes  tout  ce  que  i'ay  faict  n'a  rien  vallu.  Les  meschans  prendront  bien  ce  mot:  mais  ie  dis  encores  que  tout  ce  que  i'ay  faict  n'a  rien  vallu,  et  que  ie  suis  une  miserable  creature.  Mais  si  puis-ie  dire  cela  que  i'ay  bien  voulu,  que  mes  vices  m'ont  tousiours  despleu,  et  que  la  racine  de  la  crainte  de  Dieu  a  este  en  mon  coeur,  et  vous  pouvez  dire  cela  que  l'affection  a  este  bonne,  et  ie  vous  prie  que  le  mal  me  soit  pardonne,  mais  s'il  y  a  du  bien,  que  vous  vous  y  conformiez  et  l'ensuyviez.  Quant  a  ma  doctrine,  i'ay  enseigne  fidellement  et  Dieu  m'a  faict  1a  grace  d'escripre,  ce  que  i'ay  faict  le  plus  fidellement  qu'il  ma  este  possible,  et  n'ay  pas  corrompu  un  seul  passage  de  l'Escriture,  ne  destourne  a  mon  escient;;  et  quand  i'eusse  bien  peu  amener  des  sens  subtils,  si  ie  me  fusse  estudie  a  subtilite,  i'ay  mis  tout  cela  soubs  le  pied  et  me  suis  tousiours  estudie  a  simplicite.  Ie  n'ay  escrit  aucune  chose  par  haine  a  l'encontre  d'aucun,  mais  tousiours  ay  propose  fidellement  ce  que  i'ay  estime  estre  pour  la  gloire  de  Dieu.  Quant  a  nostre  estat  interieur,  vous  avez  esleu  Monsieur  de  Beze  pour  tenir  ma  place.  Regardez  de  le  soulager,  car  la  charge  est  grande  et  a  de  la  peine,  en  telle  sorte  qu'il  faudroit  qu'il  fust  accable  soubs  le  fardeau.  Mais  regardez  a  le  supporter.  De  luy,  ie  scay  qu'il  a  bon  vouloir  et  fera  ce  qu'il  pourra.  Qu'un  chacun  regarde  a  l'obligation  qu'il  a  non  seulement  a  ceste  Eglise,  mais  a  la  ville,  laquelle  avez  promis  de  servir  tant  en  adversite  qu'en  prosperite,  et  ainsi  qu'un  chacun  continue  sa  vocation  et  ne  tasche  point  de  se  retirer  ne  practiquer.  Car  quand  on  va  par  dessoubs  terre  pour  eschapper,  on  dira  bien  qu'on  n'y  a  pas  pense,  et  qu'on  n'a  sollicite  cecy  ne  cela.  Mais  qu'on  regarde  a  l'obligation  qu'avez  icy  devant  Dieu.  Et  regardez  aussi  qu'il  n'y  ait  point  de  picques  ny  de  parolles  entre  vous,  comme  quelquefois  il  y  aura  des  brocards  qui  seront  ietez.  Ce  sera  bien  en  riant,  mais  le  coeur  aura  de  l'amertume.  Tout  cela  ne  vaut  rien  et  mesmes  il  n'y  a  point  de  chrestiente.  Il  se  faut  donc  garder  de  cela  et  vivre  en  bon  accord  et  toute  amitie  sincerement.  l'avois  oublie  ce  point:  Ie  vous  prie  aussi  ne