46:893  893  DE  LA  PASSION.  894  Or  il  est  dit  la  dessus,  que  Pilate  desire  de  pouvoir  absoudre  nostre  Seigneur  Iesus:  car  combien  qu'il  eust  authorite  souveraine  et  sans  appel,  si  est-ce  que  pource  qu'il  estoit  en  pays  estrange,  et  avec  un  peuple  mutin,  encores  qu'il  eust  garnison  en  la  ville,  la  sedition  le  troubloit.  Et  voyla  pourquoy  il  veut  proceder  par  subtil  moyen  et  amiable,  afin  que  le  peuple  soit  appaise.  Il  est  donc  dit  qu'il  presente  ce  qui  estoit  accoustume,  qu'a  la  feste  de  Pasque  il  relaschoit  un  prisonnier  tel  que  le  peuple  vouloit.  Il  leur  donne  a  choisir  ou  de  Iesus  Christ,  ou  de  Barabbas,  qui  estoit  (comme  dit  sainct  Iehan)  un  brigand:  et  les  autres  Evangelistes  disent  que  c'estoit  un  malfaiteur  assez  cognu,  qui  avoit  mesmes  este  meurtrier,  et  avoit  esmeu  sedition  et  trouble  en  la  ville.  Voyla  une  peste  qui  doit  estre  detestable  a  tous:  si  est-ce  neantmoins  que  le  peuple  s'escrie:  que  nous  ayons  Barabbas,  et  qu'il  soit  absous  par  grace,  et  que  Iesus  Christ  soit  crucifie.  Quant  a  ceste  coustume  de  relascher  un  prisonnier  a  Pasque,  nous  voyons  ou  les  hommes  sont  menez  par  leurs  foles  devotions.  Car  il  sembloit  bien  que  la  feste  estoit  tant  mieux  honoree  en  delivrant  un  prisonnier,  et  que  c'estoit  un  service  de  Dieu:  neantmoins  tout  cela  n'estoit  que  abomination:  car  il  est  dit  que  celuy  qui  iustifie  le  malfaiteur,  est  autant  coulpable  devant  Dieu  que  celuy  qui  punit  l'innocent.  Il  faut  donc  qu'il  y  ait  equalite  en  ceux  que  Dieu  a  mis  et  establis  au  siege  de  iustice:  car  en  les  armant  de  son  glaive,  il  ne  leur  a  point  dit,  Faites  comme  bon  vous  semblera.  Il  veut  bien  qu'ils  ayent  solicitude  paternelle  du  peuple,  et  qu'ils  se  gardent  bien  de  s'eslever  en  cruaute  pour  faire  tort  aux  autres,  en  abusant  de  leur  credit  et  authorite  :  mais  plustost  qu'ils  soyent  humains  et  pitoyables.  Cependant  si  faut-il  que  les  malefices  soyent  chastiez,  et  Dieu  le  commande  ainsi.  Mais  que  font  les  hommes?  Ils  cuident  honorer  la  feste  de  Pasques,  quand  ils  offensent  Dieu,  et  qu'ils  transgressent  manifestement  sa  Parolle.  Par  cela  nous  devons  estre  admonestez  de  ne  point  suyvre  nos  fantasies,  quand  il  est  question  d'honorer  Dieu,  mais  de  complaire  en  sa  volonte  en  tout  et  par  tout.  Ainsi  donc  ne  nous  forgeons  point  aucune  devotion  selon  que  bon  nous  semblera,  mais  contentons-  nous  de  faire  ce  que  Dieu  nous  ordonne,  et  ce  qu'il  approuve.  Et  mesmes  nous  voyons  que  c'est  de  ceste  coustume,  ascavoir  qu'on  en  fait  loy  encores  auiourd'huy  :  tellement  que  tout  ce  qui  est  receu  ordre  commun,  semblera  estre  licite.  Mais  quoy  qu'il  en  soit,  Dieu  ne  laisse  point  a  condamner  cela.  Et  nous  voyons  l'abus  qui  en  est  survenu,  que  ceste  corruption  a  apporte  que  Barabbas  ait  este  prefere  au  Fils  de  Dieu.  Or  de  prime  face  aussi,  on  pourroit  trouver