9:892  puis  c'est  tout.  On  cerchoit  bien  les  idoles  et  les  brusloit-on,  mais  il  n'y  avoit  aucune  reformation.  Tout  estoit  en  tumulte.  Il  y  avoit  bien  le  bonhomme  Me.  Guillaume  et  puis  l'aveugle  Couraut  (non  pas  ne  aveugle,  mais  il  l'est  devenu  a  Basle).  D'advantage  il  v  avoit  Me.  Anthoine  Saulnier,  et  ce  beau  prescheur  Froment  qui  ayant  laisse  son  devantier  s'en  montoit  en  chaire,  puis  s'en  retournoit  a  sa  boutique  ou  il  iasoit  et  ainsi  il  faisoit  double  sermon.  I'ay  vescu  icy  en  combats  merveilleux,  i'ay  este  salue  par  mocquerie  le  soir  devant  ma  porte  de  50  ou  60  coups  d'arquebute.  Que  pensez-vous  que  cela  pouvoit  estonner  un  pauvre  escholier  timide  comme  ie  suis,  et  comme  ie  l'ay  tousiours  este,  ie  le  confesse?  Puis  apres  ie  sus  chasse  de  ceste  ville  et  m'en  allay  a  Strasbourg,  ou  ayant  demeure  quelque  temps  ie  sus  rappele,  mais  ie  n'eus  pas  moins  de  peine  qu'auparavant  en  voulant  faire  ma  charge.  On  m'a  mis  les  chiens  a  ma  queue,  criant  here.  here,  et  m'ont  prins  par  la  robbe  et  par  les  iambes.  Ie  m'en  allay  au  Conseil  des  200  quand  on  se  combatoit  et  reti  ns  les  aultres  qui  y  vouloyent  aller  et  qui  n'estoyent  pour  faire  cela:  et  quoyqu'on  se  vante  d'avoir  tout  fait  comme  Monsieur  de  Saulx  r)  ie  me  trouvay  la  et  en  entrant  on  me  disoit:  Monsieur  retirez  vous;  ce  n'est  pas  a  vous  qu'on  en  veult.  Ie  leur  dis  :  Non  feray,  allez  meschans,  tuez-moy,  et  mon  sang  sera  contre  vous,  et  ces  bancqs  mesmes  le  requerront.  Ainsy  i'ay  este  parmy  les  combats  et  vous  en  experimenterez  qu'ils  ne  seront  pas  moindres,  mais  plus  grands.  Car  vous  estes  en  une  perverse  et  malheureuse  nation,  et  combien  qu'il  y  ait  des  gens  de  bien,  la  nation  est  perverse  et  meschante,  et  vous  aurez  de  l'affaire,  1)  Nicolas  des  Gallars  sieur  de  Saules,  collegue  de  Calvin  a  Geneve  pendant  de  longues  annees,  plus  tard  a  Londres  et  a  Orle  ans.