46:891  891  SERMONS  892  et  chercher  en  luy  les  biens  spirituels  qui  nous  y  sont  communiquez,  afin  que  nous  en  iouissions  selon  ]a  mesure  qu'il  cognoist  nous  estre  utile  pour  nostre  salut.  Et  mesmes  en  tout  ce  que  nous  voyons  estre  du  sommaire  de  l'Evangile,  notons  bien  ce  mot  que  Iesus  Christ  est  venu  au  monde  pour  dire  la  verite,  afin  que  nous  conciuyons  la  dessus,  quand  nous  serons  attentifs  a  sa  doctrine  que  nous  ne  seront  point  frustrez  :  D'autant  que  c'est  une  chose  toute  conclue  et  certaine,  que  ce  qu'il  nous  a  promis  il  le  tiendra.  Quand  David  se  veut  confermer  contre  toutes  tentations,  il  dit  que  la  parolle  de  Dieu  est  comme  un  argent  qui  est  espure  par  sept  fois,  et  qui  a  este  bien  examine  par  le  feu.  Ainsi  toutesfois  et  quantes  que  nous  entrerons  en  doute  des  promesses  de  nostre  Seigneur  Iesus  Christ,  et  que  nous  seront  troublez  et  molestez  (comme  ie  diable  aussi  use  d'une  telle  astuce  afin  de  nous  desgouster,  et  nous  faire  perdre  courage)  revenons  a  ce  tesmoignage,  que  quoy  qu'il  en  soit,  nostre  Seigneur  Iesus  est  apparu  au  monde,  afin  de  nous  estre  fidele  tesmoin.  Et  attendons  auiourd'huy  qu'il  nous  monstre  par  effet  que  ce  n'est  pas  en  vain  qu'il  nous  a  donne  toutes  ces  promesses,  pour  ce  qu'elles  sont  infaillibles.  Voyla  donc  en  somme  ce  que  nous  avons  a  retenir.  Et  au  reste  quand  Pilate  dit,  Qu'est-ce  que  verite?  notons  que  ca  n'a  pas  este  comme  par  un  desir  d'apprendre,  qu'il  a  fait  et  forme  une  telle  question,  mais  c'a  este  comme  par  despit  et  en  se  mocquant:  comme  auiourd'huy  ce  vice  se  monstre  en  plusieurs.  Quand  nous  parlons  de  la  verite  de  Dieu,  nous  entendons  la  doctrine  de  l'Evangile:  et  sainct  Paul  (au  premier  chapitre  de  l'Epistre  aux  Ephesiens),  luy  attribue  ce  titre-la,  afin  que  nous  la  puissions  discerner  d'avec  toute  autre  science.  Il  est  vray  que  si  on  nous  fait  un  recit  d'une  chose  qui  aura  este  faite,  c'est  verite:  mais  quand  Dieu  nous  appelle  a  soy,  et  qu'il  nous  veut  retirer  de  ce  monde  afin  que  nous  parvenions  a  la  vie  celeste,  voyla  une  verite  qui  doit  estre  mise  en  degre  souverain,  et  que  tout  le  reste  ne  soit  rien  au  pris.  Or  maintenant  regardons  comme  le  monde  porte  reverence  a  la  doctrine  de  l'Evangile.  Les  plus  sages  du  monde  (qui  sont  tenus  pour  tels)  sont  si  aveuglez  de  presomption  que  quand  on  leur  en  parle,  Et  comment?  (disent-ils)  avons  nous  vescu  au  monde  si  longtemps,  et  que  nous  ne  scachions  que  c'est  de  l'Evangile,  ni  de  rien  qui  soit?  Tous  donc  auront  honte  quand  on  leur  dira  que  la  verite  de  Dieu  a  este  ensevelie,  et  qu'il  faudroit  maintenant  y  prendre  garde  de  plus  pres  :  nous  oyons  sur  cela  les  brocars  qui  se  iettent.  Ainsi  en  a-il  este  de  Pilate.  Car  d'autant  qu'il  estoit  envoye  par  l'Empereur  pour  estre  son  lieutenant  au  pays  de  Iudee,  il  luy  semble  qu'on  luy  fait  grand  tort  quand  on  luy  parle  d'une