46:890  Et  de  faict,  que  seroit-ce  si  le  Royaume  de  nostre  Seigneur  Iesus  Christ  estoit  terrien?  Que  gaignerions-nous  d'esperer  en  luy,  veu  que  nostre  condition  est  si  miserable  au  monde?  Les  incredules  ont  beaucoup  meilleur  marche  que  nous,  touchant  des  afflictions  qu'il  nous  faut  endurer.  Vray  est  que  les  verges  de  Dieu  s'espapdent  par  tout  et  que  ceux  qui  s'en  veulent  tant  qu'il  leur  en  est  possible,  ne  laissent  pas  d'estre  suiets  a  beaucoup  de  miseres  et  afflictions.  Mais  tant  y  a  que  nous  serons  tousiours  exercez  plus  rudement:  car  il  faut  que  Dieu  commence  ses  chastimens  par  sa  maison  et  par  son  Eglise.  Si  donc  nostre  Seigneur  Iesus  estoit  un  Roy  terrestre,  il  sembleroit  que  nous  fussions  du  tout  alienez  de  luy.  Et  d'avantage,  prenons  le  cas  que  nous  eussions  toutes  nos  aises  en  ce  monde,  et  que  par  le  moyen  du  Fils  de  Dieu  nous  eussions  yci  comme  un  paradis,  tant  y  a  que  nostre  vie  n'est  qu'un  ombrage:  nostre  felicite  donc  seroit  bien  briefve  et  caduque.  Et  ainsi  il  nous  faut  bien  avoir  cognu  et  estre  tout  persuadez  que  le  royaume  de  nostre  Seigneur  Iesus  est  celeste,  afin  que  nous  tendions  a  la  vie  permanente  a  laquelle  nous  sommes  appelez.  Voyla  donc  comme  le  Royaume  de  Iesus  Christ  est  perpetuel,  pour  ce  qu'il  ne  consiste  pas  en  rien  qui  soit  de  ce  monde,  la  ou  tout  est  corruptible.  Apprenons  donc  de  porter  patiemment  nos  adversitez,  scachans  que  cela  ne  diminue  et  n'amoindrit  point  la  grace  qui  nous  a  este  acquise  par  nostre  Seigneur  Iesus  Christ.  Car  mesmes  ce  nous  sont  autant  d'aides  a  salut:  comme  S.  Paul  le  monstre  au  huitieme  chapitre  de  l'Epistre  aux  Romains  (v.  28).  Et  quand  nous  serons  despitez  et  mocquez  du  monde,  que  nous  aurons  a  souffrir  beaucoup  d'opprobres,  que  nous  aurons  faim  et  soif,  que  nous  trainerons  les  ailes,  que  nous  serons  harassez  de  tous  costez,  il  faut  que  nous  regardions,  Si  est-ce  que  Dieu  nous  accepte.  Et  cela  est  comme  s'il  nous  le  voit  le  menton  pour  dire,  Regardez  en  haut,  et  ne  vous  amusez  point  a  ce  qui  est  de  ce  monde,  voyla  en  somme  ce  que  nous  avons  a  observer.  Et  de  faict  ce  n'est  point  sans  cause  que  nostre  Seigneur  Iesus  a  voulu  adiouster  pour  confirmation  qu'il  est  nay  et  venu  au  monde  pour  dire  la  verite  :  et  que  quiconques  l'a  bien  goustee,  s'arreste  a  sa  voix.  Par  cela  nous  voyons  que  c'est  une  doctrine  d'importance,  de  scavoir  que  le  Royaume  de  nostre  Seigneur  Iesus  Christ  n'est  point  yci  bas.  Car  si  c'eust  este  une  sentence  legere,  il  l'eust  passee  viste:  Mais  quand  il  prononce  qu'il  est  venu  au  monde  pour  dire  la  verite,  c'est  comme  s'il  nous  vouloit  rendre  attentifs,  et  qu'un  chacun  medite  en  son  coeur,  et  applicque  bien  son  estude  a  ceste  doctrine:  C'est  que  nous  soyons  retirez  du  monde  et  de  toutes  creatures,  afin  de  venir  a  ce  Roy  celeste,