9:89  89  CONTRA  WESTPHALUM.  90  aestiment  lectores.  Haec  quidem  summa  est,  haec  duo  procul  differre,  fidem  Domino  constare  ad  praestandum  quod  signo  demonstrat,  et  hominem,  ut  fruatur  oblata  gratia,  locum  promissioni  dare.  Iam  omnibus  palam  esse  existimo,  ut  in  nostra  doctrina  tam  stabilis  verbi  autoritas,  quam  sacramenti  institutio  rata  et  efficax  emineat.  Sed  idem  vult  utrisque  manere  sacramentum  Westphalus,  quoad  substantiam  carnis,  non  quoad  effectum.  Quid?  an  ut  mortuum  Christi  corpus  edant  increduli?  Omnino,  inquit:  quia  licet  nullam  spiritus  gratiam  percipiat  quisquis  non  rite  utitur  sacramento,  Christi  tamen  carne  et  sanguine  fruitur.  Quis  non  videt  exanimem  fieri  Christum,  et  sacrilego  divortio  [pag.  100]  a  spiritu  suo,  totaque  virtute  avelli?  Obtendit  verbo  fieri  sacramentum,  non  fide  nostra.  Hoc  ut  concedam,  nondum  tamen  obtinet  promiscue  Christum  canibus  et  porcis  ita  prostitui,  ut  carne  eius  vescantur.  Neque  enim  desinit  e  coelo  pluere  Deus,  licet  pluviae  liquorem  saxa  et  rupes  non  concipiant.  Mira  vero  stupiditas,  quod  coenae  effectum  incredulis  ipse  quoque  adimens,  non  expendit  hanc  primam  effectus  esse  partem,  quam  illis  vendicat.  Nisi  forte  Christi  communicatio  extra  coenae  effectum  ab  eo  ponitur.  Atque  hic  lepidam  eius  argutiam  notare  operae  pretium  est  :  verbum  Christi  in  coena  ubi  ad  panem  accedit,  panem  vult  fieri  sacramentum.  Ita  sit  sane:  modo  ne  adderet  carnis  praesentiam.  Sed  ego  libenter  subscribo,  verbis  Christi  sacramentum  constitui  carnis  et  sanguinis.  An  ideo  sequitur  ab  incredulis  percipi  Christi  corpus?  Imo  semper  eodem  revolvimur,  inter  offerre  et  accipere  longum  esse  discrimen.  Addit  Westphalus,  ubi  ad  verbum  accedit  fides  sacramenti  fructum  percipi,  quia  fruimur  Christi  beneficiis.  Quid  hoc  aliud  est,  quam  nos  Christum  absque  fide  possidere,  fide  autem  venire  in  bonorum  societatem,  [pag.  101]  ut  iam  donis  suis  inferior  sit  Christus?  Ut  se  fructn,  inquit,  defraudent  increduli,  non  tamen  desinit  panis  integrum  esse  sacramentum.  Ergo  sacramenti  integritas  secundum  Westphalum  in  Christo  duntaxat  exanimi  consistit.  Verba  enim  eius  sunt,  non  aliud  accipere  indignos,  quoad  sacramenti  integritatem,  quam  accipiunt  digni.  Quaenam  ergo  erit  baptismi  integritas,  si  lavacrum  et  regeneratio  in  rationem  non  veniant?  Ubi  verbi  accessione  elementum  fieri  sacramentum  Augustinus  docet  de  baptismo  ex  professo  disserit.  Verba  sunt:  Quare  non  dicit  Christus:  Mundati  estis  propter  baptismum,  quo  loti  estis,  sed  propter  verbum,  quod  loquutus  sum  vobis?  Verbo  sacramentum  fieri  ex  contextu  scriptoris  clarum  est,  ut  ad  nos  virtus  aut  effectus  perveniat.  Westphalus  effectum  excludens  ad  substantiale  nescio  quod  figmentum  rapit.  Sequitur  ibidem:  Unde  tanta  vis  aquae,  ut  corpus  tangat  et  cor  abluat,  nisi  operante  verbo?  Haec  Augustino