8:89  98-90  AUS  LECTEURS  FIDELES,  SALUT.  On  dit  communeement,  qu'a  quelque  chose  mal-heur  est  bon.  La  plus  grande  part  de  ceux  qui  parlent  ainsi,  n'entendent  pas  quelle  est  la  source  de  ceste  sentence  commune.  Car  ils  prennent  les  mots  ainsi  qu'ils  sont  coucher,  et  ne  pensent  pas  que  le  bien  qui  advient  apres  le  mal-heur,  vienne  d'ailleurs  que  de  mal-heur:  comme  si  un  mal  se  pouvoit  de  soy-mesme  convertir  en  bien.  Il  n'y  a  que  l'homme  fidele  qui  puisse  vrayement  interpreter  cela:  assavoir,  que  telle  est  la  bonte  et  vertu  de  Dieu  envers  les  siens,  qu'il  fait,  que  ce  qui  de  sa  nature  tendoit  a  apporter  ruine  et  dissipation,  est  tourne  en  une  fin  toute  contraire  quant  aux  fideles:  c'est,  que  quelque  bien  et  profit  excellent  en  revient  par  la  conduite  de  celui  qui  sait  bien  tirer  la  lumiere  des  tenebres  et  obscurite^.  Un  maistre  brouillon  sortant  de  ie  ne  say  quelle  mesnie  de  Garmes  et  de  moines,  fait  tout  en  un  moment  triacleur,  songeant  par  quel  moyen  il  se  pourroit  faire  valoir,  n'en  trouva  point  de  plus  court  ou  expedient,  selon  son  opinion,  que  de  se  fourrer  a  l'estourdie  dedans  l'Eglise  de  Geneve,  et  y  semer  certain  poison  qu'il  avoit  apporte  d'Italie.  Ce  qu'il  n'eust  ose  attenter,  s'il  n'eust  senty  le  flair  de  la  mauvaise  volonte  d'aucuns  hommes  qui  se  fussent  volontiers  employez  a  renverser  tout  ordre  et  discipline  Ecclesiastique.  Il  avoit  un  beau  champ  et  bien  ample,  et  s'il  fust  venu  a  bout  de  son  attente,  U  avoit  ia  gagne  ce  poinct,  de  rendre  les  hommes  hardis  contempteurs  de  Dieu,  et  baille  ceste  liberte  en  la  main  d'un  chacun  de  faire  tout  ce  que  bon  luy  eust  semble.  Car  renversant  l'ordre  de  la  Predestination  ou  election  de  Dieu,  et  la  mettant  apres  la  foy,  il  faisoit  que  la  foy  estoit  en  la  puissance  d'un  chacun,  et  par  ce  moyen  chacun  se  baillant  la  foy  a  soymesme,  ne  devoit  faire  difficulte  d'estimer  qu'il  obtiendroit  salut,  encore  que  sa  vie  fust  remplie  d'impietes  et  toutes  ordures.  Ce  belistre  impudent  outre  mesure,  voire  si  iamais  il  y  eust  homme  effronte  au  monde,  avoit  desia  attire  des  complices,  (comme  telles  truyes  trouvent  asses  de  couchons  de  mesmes:)  et  combien  que  l'erreur  de  sa  doctrine  fust  manifeste,  que  les  petits  mesmes  le  pouvoyent  bien  appercevoir,  toutesfois  selon  que  ceste  doctrine  est  plausible  a  la  nature  vicieuse,  elle  fut  aussi  aisement  receue  d'aucuns  qui  eussent  bien  voulu  que  toute  crainte  de  Dieu  et  toute  honnestete  de  vie  fussent  chassees  bien  au  loin.  Mais  Dieu  par  sa  grande  misericorde  y  a  si  heureusement  remedie,  que  ceste  orde  beste  a  este  confuse,  et  ses  couchons,  pour  le  moins,  n'ont  ose  ouvrir  le  groin  pour  gronder.  Or  voicy  en  quelle  sorte  ce  mal-heur  a  este  bon:  c'est  qu'il  a  donne  occasion  a  l'esclaircissement  de  la  matiere  tant  necessaire  et  tant  salutaire  de  la  Predestination.  Car  cela  a  esmeu  les  Ministres  de  l'Eglise  de  Geneve  a  traitter  un  iour  de  vendredy,  selon  l'ordre  qu'ils  tiennent  de  faire  leur  congregation  a  tel  iour,  d?exposer  devant  toute  l'assemblee  ceste  matiere,  de  laquelle  M.  Iean  Calvin  fit  une  deduction  si  briefve,  et  en  sa  brief  vete  si  claire,  que  quand  on  y  voudroit  adiouster,  ce  ne  seroit  que  repeter,  ou  pour  le  plus,  dire  une  mesme  chose  plus  amplement:  et  d'autre-part,  quand  on  en  voudroit  diminuer,